9-cu sinif şagirdi koronavirusdan öldü, valideynlər təşvişə düşdü - Azərbaycanda məktəblər yenidən bağlanır?
14:13 / 13.10.2021
1445
"Deyirlər ki, məktəblər açılmasaydı, bu hal olmazdı”.
Sfera.az bildirir ki, bunu təhsil eksperti Kamran Əsədov Sumqayıt şəhər 31 nömrəli tam orta məktəbin 9-cu sinif şagirdi Əsgərov Kamil İslam oğlunun koronavirusa yoluxaraq vəfat etməsindən danışarkən deyib. Onun sözlərinə görə, hazırda bir çoxları hadisəyə görə məktəbi, təhsili günahlandırır:
"Hər kəs arqumentində haqlıdır. Amma yoluxma məktəbdə yox, məktəbə qədər baş verir. Ölkədə bütün xidmət sektoru, ictimai iaşə obyektləri, kafe və restoranlar işləyir, amma biz günahkar olaraq məkətəbi görürük. Hər gün koronavirusdan vəfat edənlər olur və onlar təhsil ilə bağlı deyillər. Harda olmasından asılı olmayaraq, pandemiya dövrünün qaydalarına riayət etməliyik”.
Ekspert hadisədən sonra, məktəblərin bağlanması ilə bağlı edilən çağırışlardan da söz açıb:
"Əgər bu ediləcəksə, yenə də nəyəsə nail olmaq mümkün deyil. Biz virusdan yalnız vaksinasiya olunaraq xilas ola bilərik və ya ölkədə tam şəkildə sərtləşdirilmiş karantin rejimi tətbiq etmək, bütün sahələri bağlamaq lazımdır”.
Günay Rəsulqızı
Sfera.az