100 minlik “Sevgi romanı” təqdim olundu - VİDEO

100 minlik “Sevgi romanı” təqdim olundu - VİDEO

Ötən axşam "Nizami” kinoteatrında "Sevgi romanı” filminin qala gecəsi keçirilib.

Sfera.az oxu.az-a istinadla xəbər verir ki, melodram janrında çəkilən ekran əsərində Oksana Rəsulova, Şəhriyar Əbilov, Azər Aydəmirov, Zümrüd Bədəlova və digər tanınmış simalar, aktyorlar rol alıb. Filmin ssenari müəllifi Azər Aydəmirovdur.

"Sevgi romanı”nın premyerasına məşhurlar axın ediblər. İzdiham yaşanan qala gecədə filmin qəhrəmanları təəssüratlarını media əhli ilə bölüşüblər. Onlar ekran əsərinin həm maraqla izləniləcəyini, həm də çox müzakirə olunacağını bildiriblər:

Şəhriyar Əbilov :

"İnanıram ki, filmimiz həm müzakirə olunacaq, həm də baxılacaq. Əsas odur ki, cəmiyyətə faydalı mesajlar verək. Sağlam ideyalı kinolar təbliğ olunmalıdır. İnsanları göbəkdən aşağı yox, beyindən yuxarı düşündürək. Bizim də istəyimiz yalnız budur. Mədəniyyətimizi, milli filmlərimizi inkişaf etdirək ki, dünyaya çıxa bilək. Bunun üçün isə medianın dəstəyi çox vacibdir”.

Oksana Rəsulova :

"Filmin müzakirədən çox baxılmasını istəyirəm. Çox istəyirəm ki, tamaşaçılar filmi izləyəndən sonra şərhlərini sosial media hesablarında yazsınlar. Onları oxuyub mütləq cavab verəcəyəm”.

Azər Aydəmirov:

"Oksana Rəsulovanın peşəkar komandası müxtəlif eksperimentlər edir, filmlər çəkir. Onlar komediya janrından uzaqdır. Çəkdikləri filmlərdən qazanc əldə edə bilməsələr də, ruh düşkünlüyünə qapılmırlar. Sevgidən, xəyanətdən, sevən iki şəxsin qovuşa bilməməsindən bəhs edən bir film ərsəyə gətirdik. Azərbaycanda bu janra demək olar ki, müraciət edilmir. "Zaur və Təhminə” filmindən sonra bu janr ölüb. "Gün keçdi” filmində də bu janra müraciət olunmuşdu. Müasir Azərbaycan kinosu 26 ildir ki, bütün işlərlə məşğul olur, amma janr etibarı ilə bu kimi filmlər tamaşaçılara heyiflər olsun ki, təqdim olunmur. Bizim ekran əsərimiz melodram janrındadır. Burada komediya və satira, həmçinin eksperimental motivlər var. Dünya üçün ən primitiv janrdır. Dünyada istehsal olunan on filmdən onu da bu janrdadır.

Filmdə Oksananın həyat yoldaşını canlandırmışam. İlk dəfədir ki, mənfi obrazda çıxış etmişəm. Mənfi obrazda çıxışım debütdür. Mənfi rolu oynamaq çox çətindir. Çalışdım ki, obrazım inandırıcı alınsın. Bu, intellekti güclü olan mənfi bir obrazdır. Ümid edirəm ki, tamaşaçı üçün rolum çox maraqlı olacaq”.

Qeyd edək ki, O.Rəsulova oxu.az-a özəl açıqlamasında filmin 100 min manata ərsəyə gəldiyini söyləyib.


OXŞAR XƏBƏRLƏR

“Müğənni maşınını sata bilər, satmağa heç nəyi olmayan insanlar nə etsin?” — Namiq Qaraçuxurlu

"Populyar olan insanların əksəriyyəti bu sahəyə təsadüfən gələnlərdir. O adamlar da zaman-zaman danışıqlarını, hərəkətlərini bilmədikləri üçün insanları qıcıqla...

Aynişan ilk dəfə həyat yoldaşı ilə boşanmalarından danışdı - FOTO

 Müğənni, bloqer Aynişan Quliyeva ilk dəfə həyat yoldaşı Kənan Əliyev ilə "Instagram”da bir-birini izləmədən çıxarmaları barədə açıqlama verib. Sfera...

Məşhur müğənni koronavirusa yoluxdu - FOTO

 Məşhur estrada müğənnisi Flip Kirkorov koronavirusa yoluxub. Sfera.az xarici KİV-ə istinadən xəbər verir ki, bu barədə Kirkorov özü mətbuata açıqlam...

Aysel ilə Oktayın ayrılmasına səbəb olan XƏYANƏT - VİDEOSU

Xəbər verdiyimiz kimi, bloqer Aysel Şükür həyat yoldaşı Oqtay Əhmədovdan ayrılıb. Sfera.az Yenicag.az.-a istinadla xəbər verir ki, Aysel ərinin ona xəyanət etd...

"Gördükləriniz anlayacağınız qədərdir" — Kənan

Xəbər verdiyimiz kimi, bu gün mətbuatda əməkdar artist Aybəniz Haşımovanın blogger qızı Aynişanın həyat yoldaşından ayrılma xəbəri yayılıb.   Sfera.az xə...

“Ciddi və haqsız bir ittihamdır” – Afaq Brilliantla yaşadığı qalmaqaldan danışdı

 "Ciddi və haqsız bir ittihamdır. Heç kimə sosial şəbəkədə cavab verən deyiləm. Mənim mənliyim, cəsarətim, şəxsiyyətim var. Brilliant Dadaşovaya qarşı heç ...