Xəstəxanada kütləvi qətl törədən şəxs intihar etdi

Çexiyanın Ostrava şəhərində xəstəxanaların birində xəstələri güllə atəşinə tutan şəxs özünə qəsd edib.

Bu barədə "RİA Novosti” yerli polis idarəsinə istinadla xəbər verib.

Bildirilir ki, hüquq-mühafizəçilər onun avtomobilini aşkarlayıblar. Onu həbs etmək istəyərkən isə kişi özünü öldürüb. Kişinin kimliyi araşdırılır.

Qeyd edək ki, bu gün yerli vaxtla səhər saat 7 radələrində Çexiyada şəhər xəstəxanasında naməlum kişi palatalardan birinə daxil olaraq xəstələri gülləbaran edib. Nəticədə altı nəfər həlak olub, daha iki nəfər yaralanıb. (oxu.az)