Sfera.az bildirir ki, bunu həkim-pediatr Günay Rəsulova açıqlayıb.

Bəs immunitetin möhkəm olmssı üçün nə etmək lazımdır?

Soyuq hava və xəstəliklərdən uşaqları necə qorumaq olar?

Pediatr, uşaqlarda immuniteti möhkəmləndirən faktorları belə sıralayıb:

İlk növbədə profilaktik peyvəndlərin vaxtında olunması.

Uşağın vaxtlı vaxtında pediatr müayinəsində olub, hər hansı bir somatik probleminin olmamasına diqqət edilməsi.

Uşağın sağlam qidalanması (balanslı, vitaminli, zərərli qida vərdişlərinin olmaması)

Uşagın vaxtında yatızdırılması (maximum axşam saat 22:30 uşaq artıq yuxuda olmalıdır)

Uşagın soyuq hava daxil, havada çox olması

Uşagın xəstə insanla təmasının önlənməsi

Uşagın qanında D vitamini səviyyəsinin aşağı olmaması

Tez-tez xəstələnən, allergik xəstəlikləri və ya başqa hər hansı bir risk qrupunda olan uşaqlara oktyabr aylarında qrip əleyhinə peyvəndlərin vurulması

Uşaqları stressdən uzaq tutmaq və s.Sağlam uşağın ildə 7-8 dəfə yuxarı tənəffüs yolu infeksiyasına tutulursa, hər dəfə bu xəstəliklər ağırlaşma ilə nəticələnmirsə normal haldır. Həkim uşağı müayinə edərkən çox az görülən problemi - anadangəlmə immun yetməzliyini ağlında tutmalı, şübhələnərsə, lazım olan müayinələri istəməlidir.

(e-tibb.az)