Zimbabvenin keçmiş diktatoru Robert Muqabe ölüb.

Sfera.az xəbər verir ki, bu haqda BBC-yə onun ailəsindən deyiblər.

Muqabenin 95 yaşı vardı və son illər ağır xəstəliklə mübarizə aparırdı. Məlumata görə o, Sinqapurda vəfat edib. Muqabenin orada zəruri müalicə üçün Sinqapura aparıldığı bildirilir.

Robert Muqabe 1980-ci ildə Zimbabve müstəqillik əldə edəndə ölkənin baş naziri olub, 7 il sonra həmin vəzifəni ləğv edib və özünü prezident təyin edib. Həmin vəzifəyə 6 dəfə dalbadal seçilib. 2017-ci ildə hakimiyyəti arvadına ötürməyə hazırlaşarkən ordu Muqabeni istefaya məcbur etmişdi.