Qəza törədən Mətanət yox, Məleykə Əsədova imiş...
Bu gün müğənni Mətanət Əsədovanın qəzaya düşməsi ilə bağlı xəbər yayılıb.
Sfera.az axşam.az-a istinadən xəbər verir ki, məlum olub ki, qəza törədən Mətanət Əsədova yox, Xalq artisti Məleykə Əsədova imiş.
O, bu barədə məlumatı saytımıza açıqlamasında təsdiqləyib:
"Maşınımı möhkəm vurublar. Hadisə bir neçə gün öncə günorta saatlarında olub. Həmin an kəmərimi taxdığım üçün heç burnum da qanamayıb. Hər dəfə evdən çıxanda dua edirəm, Allah məni qorudu. Maşınım isə pis gündədir".
Qeyd edək ki, Mətanət Əsədovanın qəzaya düşməsi ilə bağlı xəbəri Avtosfer.az saytı yayıb.
Bildirilib ki, ifaçı idarə etdiyi 10 MB 777 dövlət nömrə nişanlı, "Mercedes" markalı avtomobili 28 May metrostansiyası ərzisində hərəkətdə olarkən bardürə vurub. Hadisə nəticəsində xəasrət alan olmasa da, avtomobilə maddi ziyan dəyib.
