Nikolay Patruşev Bakıya niyə gəlir, nələr müzakirə oluna bilər? - EKSPERT RƏYİ
"Partuşevlə görüşdə bir çox məsələlərlə yanaşı, Rusiyadakı kriminal mühitə bağlı azərbaycanlılar məsələsi də müzakirə oluna bilər”.
Sfera.az-a açıalamasında bu sözləri Rusiya Təhlükəsizlik Şurasının katibi Nikolay Patruşevin sentyabrın 4-də Bakıya səfər etməsinin səbəblərinə toxunarkən politoloq Cümşüd Nuriyev deyib:
"Bilirsiniz ki, Rusiyadakı Azərbaycan diasporu ən böyük diasporadan biridir, sayı 3 milyondan çoxdur. Onların içərisində kriminal mühitə bağlı insanlar da var. Görüşdə bu məqamın müzakirə ediləcəyi də istisna deyil. İkincisi, Azərbaycanla Rusiya böyük həmsərhəd ölkələridir. Bu mənada Patruşevlə sərhəd bölgəsinin təhlükəsizliyinin təmini məsələsi söhbət mövzusu ola bilər. İki ölkə həmçinin Xəzər dənizi vasitəsilə bir-birilə həmsərhəddir. Bu mənada dəniz qoşunları ilə bağlı müəyyən məsləhətləşmələrin aparılması da gözləniləndir”.
Politoloqun sözlərinə görə, Azərbaycan Rusiya üçün Yaxın və Orta Şərqə açılan qapı rolunda çıxış edir: "Moskvanın həmişə bu bölgədə marağı olub. Bölgəyə isə yalnız Azərbaycan vasitəsilə nüfuz edilə bilər. Görüşdə habelə, təhlükəsizliyin təmin olunması, xüsusən də fundamentalist İslamın Azərbaycan üzərindən Rusiyaya keçməməsi kimi məsələlər müzakirə predmeti ola bilər. Amma hər şeydən öncə Azərbaycanın marağında olan başlıca məsələ Qarabağ problemidir. Görüşdə bu məsələ də müzakirə oluna bilər. Demək istəyirəm ki, danışıq masasına sadaladığım bu məsələlərin hər biri yatırıla bilər”.
Elçin