Gündəm

Nərminin atası İLKİN haqqında açıqlama verdi - Yalan söhbətdi, dezinformasiyadır + YENİLƏNİB

Nərminin atası İLKİN haqqında açıqlama verdi - Yalan söhbətdi, dezinformasiyadır + YENİLƏNİB
 
 15 :12
 

Tovuz rayonunun Dondar Quşçu kəndində xüsusi amansızlıqla qətlə yetirilən 10 yaşlı Nərmin Quliyevanın əmisi Lətif Quliyev azyaşlının qətli ilə bağlı saxlanıldığı deyilən İlkin adlı şəxs barədə Trend-ə açıqlama verib.

Sfera.az-ın məlumatına görə, L.Quliyev bildirib ki, hadisə ilə bağlı saxlanıldığı deyilən İlkin Süleymanov həmin kənddə yaşayır:"İlkin bizim evdən 500-600 metr aralıda yaşayır. Kənddə tanıdığımız adamdır. Qohumluq əlaqəmiz yoxdur, amma İlkin Nərminin atası Şərifin sinif yoldaşıdır. Hüquq-mühafizə orqanları onu izahat almaq adı ilə aparıblar. Amma qətlin kimin tərəfindən törədilməsi barədə bizə heç nə deməyiblər.Biz də eşitmişik ki, İlkini polisə çağırıblar. Amma nə vaxt çağırıblar, niyə çağırıblar xəbərimiz yoxdur.

Bu dəqiqə başımız qarışıqdır, onu araşdırmaq halında deyilik”.Xatırladaq ki, Tovuz rayonunun Dondar Quşçu kəndində anadan olmuş 2010-cu il təvəllüdlü Quliyeva Nərmin Şərif qızının 21 noyabr 2019-cu il tarixdə itkin düşməsi ilə əlaqədar aparılmış araşdırmalarla onun qəsdən öldürülməsinə kifayət qədər əsaslar müəyyən edildiyindən Baş Prokurorluğun Ağır cinayətlərə dair işlər üzrə istintaq idarəsində Cinayət Məcəlləsinin 120.2.9-cu (təqsirkar şəxs üçün aşkar surətdə köməksiz vəziyyətdə olan adamı qəsdən öldürmə) maddəsi ilə cinayət işi başlanıb.

Yanvarın 6-da azyaşlının Dondar Quşçu kəndi ərazisində yanmış meyitinin aşkar olunması ilə əlaqədar dərhal Daxili İşlər Nazirliyinin, Baş Prokurorluğun, Ədliyyə Nazirliyinin Məhkəmə Ekspertizası Mərkəzinin və Səhiyyə Nazirliyinin Məhkəmə-Tibbi Ekspertiza və Patoloji Anatomiya Elmi-Təcrübi və Tədris Birliyinin təcrübəli əməkdaşları Tovuz rayonuna ezam olunublar.Hazırda iş üzrə cinayəti törətmiş şəxs və ya şəxslərin müəyyən edilməsi istiqamətində zəruri və təxirəsalınmaz istintaq-əməliyyat tədbirləri davam etdirilir.

                                                                 ### ###
 
 
14:15
 
 Tovuz rayonunda 10 yaşlı Nərmini oğurlayaraq qətlə yetirib meyitini yandıran şəxsin saxlanılması ilə bağlı məlumat yayılıb.
 

Sfera.az bildirir ki, məsələ ilə bağlı "ölkə.az”a açıqlama verən Nərminin atası Şərif Quliyev yayılan xəbərləri təkzib edib.

"Yalan söhbətdi, belə bir şey yoxdur, dezinformasiyadır. Bu barədə məlumat olsaydı, ilk mən bilərdim”. 

Əməkdaşımızın " İlkin adlı şəxs sinif yoldaşınız olub?" sualını o, təkzib edərək belə deyib:

"Xeyr, bu da yalandır. İlkin mənim sinif yoldaşım deyil".

Qeyd edək ki, bu gün qatilin 36 yaşlı İlkin adında şəxs olduğu mətbuat orqanlarında yayılıb.



XƏBƏR LENTİ

«    Yanvar 2020    »
B.eÇ.aÇC.aC.Ş.B
 12345
6789101112
13141516171819
20212223242526
2728293031