“Milan”ın avrokubokdakı oyunu azərbaycanlı referiyə tapşırılıb
İdman
16:00 / 11.02.2020
2100
Avropa Voleybol Konfederasiyası beynəlxalq dərəcəli hakim Zaur Hacıyevə növbəti təyinat göndərib.
Sfera.az xəbər verir ki, təmsilçimiz bu dəfə kişi voleybolçular arasında keçirilən "Çelenc Kap”ın 1/8 final mərhələsində iş başında olacaq.
O, "Milan” (İtaliya) ilə "Mladost” (Xorvatiya) arasında cavab görüşündə baş hakim funksiyasını yerinə yetirəcək. Fevralın 13-də Milanda baş tutacaq oyunda köməkçi referi isə ispaniyalı Fernando Benites olacaq.
Qeyd edək ki, bu komandaların ilk qarşılaşmasında italyanlar 3:0 hesabı ilə qalib gəliblər.
