Sosial mediada hər gün yeni bir maraqlı səyyah ilə qarşılaşmaq mümkündür. Artıq bir çox insan dünyanı rahat şəkildə gəzib, bir çox yerlərdə fotolar çəkir və bu fotolar sayəsində fenomenə çevrilir.

BiG.AZ musavat.com-a istinadən bildirir ki, bu cür maraqlı fenomenlərdən biri də Avstraliyada yaşayan 27 yaşlı milyoner Metyu Lepredir.

26 yaşlı milyonerin aylıq gəliri 115 min dollardır. Onun bir neçə onlayın alış-veriş xidməti göstərən böyük şirkətli var.

Sidneydə yaşayan gənc milyoner dünyanı gəzir, gəzdiyi hər yerdən də maraqlı fotoları izləyiciləri ilə paylaşır. O, dünyanı gəzərkən ona yoldaşlıq edəcək birini axtrarır. Axtardığı şəxs gənc milyonerin səyahət marşrutlarını, məkanlarını əvvəlcədən təyin və Leprenin sosial media hesablarını idarə edəcək. Metyu Lepre işə götürəcəyi şəxsə etibar etməli olduğunu qeyd edir. Həm də bunun tətil fürsəti yox, karyera fürsəti olduğunu bildirir. Sözügedən işə görə vəd etdiyi maaş isə 36 min dollardır.

Qısa müddət ərzində işini böyüdən Metyu Lepre universitet təhsilini yarımçıq qoyub və hətta 40.000 dollar borcu da var idi.

Lakin Metyu zəkası sayəsində özünə bir iş qurmuş və çox gənc yaşda milyoner olmuş biridir. Keçən il Metyu seminar vermək və yeni iş imkanlarını araşdırmaq üçün Yaponiya, İndoneziya, İspaniya, İsveçrə, Tayland, Dubay, ABŞ və Havayini gəzib.