“Öz işlərilə məşğul olsunlar, məsləhətə ehtiyacımız yoxdur” - Politoloqdan Aİ rəhbərinə sərt cavab
13:37 / 03.06.2021
1690
"Qərb xristian təəssübküşliyini və ikili standartları rəhbər tutaraq, müharibədə məğlub olan Ermənistanı rüsvayçı vəziyyətdən xilas etməyə çalışır. Hər şey qurtarıb, müharibə bitib. Azərbaycanla Ermənistan özləri dil tapıb danışacaq”.
Bu sözləri Avropa İttifaqı Şurasının
Prezidenti Şarl Mişelin Azərbaycan Prezidenti İlham Əliyevlə telefon
danışığında tərəfləri Dağlıq Qarabağ məsələsinin tənzimlənməsi ilə bağlı
danışıqları bərpa etməyə çağırmasına münasibət bildirərkən politoloq Qabil Hüseynli
deyib.
Həmsöhbətimiz bildirdi ki, Aİ Şurası rəhbərinin
bu çağırışı da Qərbin Minsk qrupunu yenidən dirçəltməyə çalışmasının tərkib
hissəsidir: "Bu qurumun ilk tələbi isə Dağlıq Qarabağa status verilməsilə
bağlıdır. Azərbaycan bunları qəbul etmir. Azərbaycan torpaqları işğal altında
olanda Qərb bu qədər fəallıq nümayiş etdirmir, Ermənistanı işğalçı kimi
tanımırdı”.
Rüfət SULTAN