No Image

Yol polisi velosipedçilərə qarşı ciddi tədbirlərə başladı – Cərimələnənlər var

Yol polisi velosipedçilərə qarşı ciddi tədbirlərə başladı – Cərimələnənlər var
 Azərbaycanda yol polisi son günlər baş verən velosiped qəzalarından sonra bu sahəyə nəzarət tədbirlərini gücləndirib.

Sfera.az xəbər verir ki, bununla bağlı Daxili İşlər Nazirliyinin rəhbərliyi tərəfindən Bakı və Gəncə şəhər Baş Polis idarələrinin, digər şəhər və rayon polis orqanlarının, habelə DYP-nin şöbə və bölmələrinin rəhbərlərinə göstəriş verilib. Göstərişdə qeyd olunur ki, bu ilin 6 ayında respublika üzrə yol-nəqliyyat hadisələrinin, eləcə də hadisələrdə ölən və yaralananların sayı azalsa da, son vaxtlar velosipedçilərinin iştirakı ilə baş vermiş qəzaların çoxluğu ciddi narahatlıq doğurur. Təkcə 6 ay ərzində velosipedçilərin iştirakı ilə baş vermiş 21 yol qəzasında 8 nəfər ölüb, 21 nəfər xəsarət alıb. Buna səbəb isə bəzi velosipedçilərin yol hərəkəti qaydalarını kobud şəkildə pozmasıdır. Belə ki, onlar velosipedi yolun əks hərəkət istiqamətində, hərəkət hissəsinin ortasında, xüsusən günün qaranlıq vaxtında işıqlandırıcı elementlər olmadan idarə edirlər. Bunu nəzərə alaraq DİN rəhbərliyi DYP orqanlarına göstəriş verib ki, velosipedçilərin hərəkətinin "Yol hərəkəti haqqında” qanuna uyğun tənzimlənməsinə diqqət etsinlər, eyni zamanda, avtomobil yollarında texniki cəhətdən saz velosipedlərdən istifadəyə dair təbliğat işləri aparsınlar.

Belə qəzaların baş verdiyi ərazilərdə təhlillər apararaq qabaqlayıcı tədbirlərin görülməsi də vacib məsələ kimi qeyd olunub.

Artıq respublika ərazisindəki avtomobil yollarında təhlükəsizlik dəbilqəsi olmadan velosiped idarə edən, həmçinin, yolun əks istiqamətinə çıxan, hərəkət hissəsinin ortasında gedən və digər yol hərəkəti qaydalarını pozan velosipedçilər inzibati məsuliyyətə cəlb olunurlar.

Velosipedçilərə qarşı tədbirlər artıq bir neçə rayonda həyata keçirilib. Masallı rayon Dövlət Yol Polisi Bölməsinin əməkdaşları isə artıq qayda pozan 21 velosipeçdi barəsində inzibati protokol tərtib edib. Bundan başqa, velosipedçilərin bir qisminə xəbədarlıq olunub, onlara hüquq və vəzifələri izah edilib.

(avtosfer.az)

OXŞAR XƏBƏRLƏR

AMEA-nın saytının baş redaktoru işdən çıxdı

Azərbaycan Milli Elmlər Akademiyasının (AMEA) Rəyasət Heyəti Aparatının İctimaiyyətlə əlaqələr, mətbuat və informasiya şöbəsinin Elektron informasiya sektorunun...

Bakıda metronun qarşısında dəhşətli hadisə - Gənc oğlan öldü

  Bakıda piyadanın ölümü ilə nəticələnən yol qəzası baş verib. Sfera.az xəbər verir ki, dünən saat 20:00 radələrində Sabunçu rayonu Heydər Əliyev pr...

Qəzaya uğrayan avtomobilin sürücüsü zərbədən yol kənarına düşərək ölüb - FOTO

Bakının Sabunçu rayonu ərazisində şəhər istiqamətində hərəkətdə olan "Mercedes” markalı avtomobil digər minik maşınına dəydikdən sonra hərəkətdə olan "KamAZ” ma...

Qubada məktəbli intihar edtdi

 Quba rayonunda intihar hadisəsi baş verib.  Sfera.az xəbər verir ki, hadisə Püstəqasım kəndində qeydə alınıb.  Belə ki, Rustov kənd ...

Bakıda 4 nəfəri maşın vurdu - Yol bağlandı

 Bakıda Heydər Əliyev prospektində - Əmircan-Bülbülə döngəsi yaxınlığında ağır yol nəqliyyat hadisəsi baş verib. Bakı Nəqliyyat Agentliyindən Sfera.a...

Bakı-Astara yolunda iki avtomobil toqquşub, xəsarət alan var

 Bakının Qaradağ rayonunda xəsarətlə nəticələnən yol-nəqliyyat hadisəsi baş verib. Sfera.az xəbər verir ki, iki avtomobilin toqquşması nəticəsində 19...