Yeni mutasiyalara qarşı ən təsirli vaksin hansıdır? – Ekspert bu peyvəndi məsləhət gördü
14:55 / 28.06.2021
3158
Artıq bütün dünyada koronavirusun yeni ştammları
yayılmaqdadır. Yeni mutasiyaların ən təhlükəlisi isə koronavirusun Hindistan və
delta variantıdır.
Maraqlıdır, yeni mutasiyalara qarşı hansı vaksin
daha təsirlidir?
Mövcud sual ətrafında Sfera.az-a danışan Türkiyənin
Biotexnologiya İnstitutunun Peyvənd Elmi Komitəsinin üzvü, Akdeniz
Universitetinin professoru, AMEA-nın müxbir üzvü Tərlan Məmmədov təqdim olunan
vaksinlər içərisində Pfizer vaksininin
daha təsirli olduğunu deyib:
"Gənclər virusun təhlükəli mutasiyasına
yoluxsalar da bu vəziyyət onlar üçün riskli deyil. Lakin onlar da vaksinasiya
olmalıdır ki, yeni növ mutasiyaya yoluxsalar, bu xəstəliyi başqasına keçirməsinlər. Koronavirusun delta variantı və eləcə də Hindistan
ştammı üçün Pfizer-BioNTech vaksini daha yaxşıdır. Sinnovac vaksini də yeni
ştamlara təsir edə bilər. Lakin bu vaksin yoluxduruculuğa qarşı ola bilmir. Ümumiyyətlə
vaksinlər içərisində Pfizer vaksini ən təsirlisidir. RNT tipli bu vaksin
sintetik tərkiblidir.
Əzizə Zeynal
Sfera.az