Yay aylarında bu sadə üsulla koronavirusdan qorunmaq olar - Həkimdən AÇIQLAMA
16:14 / 03.06.2021
2876
Son vaxtlar insanlarımız mövsümi xəstəliklərlə koronavirusu
qarışdırırlar. Hətta qrip olduğu halda koronavirus əleyhinə müalicə alan
insanlara da rast gəlinir.
Hər iki xəstəlik hər nə qədər oxşar olsalar da,
onları bir-birindən ayıran fərqlər mövcuddur. Hətta istənilən şəxs test vermədən
belə xəstəliyin növünü özü müəyyənləşdirə bilər.
Mövcud fərqər haqqında həkim infeksionist İlham
Bayramov Sfera.az-a danışıb:
"Qriplə koronavirusu ayıran ilk əlamət odur
ki, qripdə burundan su gəlir, koronavirusda isə belə hal müşahidə olunmur. Yəni,
kataral sindrom ancaq qripə aid edilə bilir. Bundan başqa qripə tutulan şəxsin
3-5 gün ərzində tempraturu yüksək olur. Lakin koronavirusda tempraturun yüksək
həddi uzunmüddətli olur. Qrip xəstəliyində ciddi ağırlaşamlar olmur,
koronavirus isə daha ağır formada keçir. İnsan eyni anda iki virusa yoluxa bilməz.
Yəni, koronavirus özü də qripin bir qoludur".
İnfeksionistin sözlərinə görə, yay fəslində virusa
yoluxan şəxslər günəşdə zaman keçirsələr müsbət nəticə əldə bilərlər: "Yay aylarında koronavirusa yoluxan şəxslərin
durumları qış aylarına nisbətdə daha yaxşı olur. Çünki virus soyuq aylarda daha
aktivdir, günəş isə virusun məhvinə gətirib çıxarır. Bu baxımdan koronavirus xəstələrinin
günəş vannası qəbul etməsi yaxşı olar. Yəni, vitamin C, vitamin D belə aylarda
xəstəyə müsbət təsir edə bilər".
Sfera.az