No Image
No Image

"Yaxşı hazırlaşmadan hücumlar etsək daha çox itki verərik" - Qüdrət Həsənquliyev

"Ermənistanda siyasi böhranı dərinləşdirib, növbəti mərhələdə müharibənin nəticələrini masa arxasında rəsmiləşdirməyi də asanlaşdırmalıyıq". 

Sfera.az xəbər verir ki, bunu Bütöv Azərbaycan Xalkq Cəbhəsi Partiyasının sədri, millət vəkili Qüdrət Həsənquliyevin müsahibəsində deyib.


- Qüdrət bəy, niyə insanlarımız çox böyük tələskənliklə Qarabağın sürətlə işğaldan azad olunmasını istəyir? Hökumət isə, əksinə, vətəndaşlarımızı bir az səbrli olmağa çağırır.


- İnsanlarımızın tələsməsinin əsas səbəbi odur ki, xalqımız bu müharibəyə təkcə torpaqlarımızın işğaldan azad olunması kimi yox, Prezidentin dediyi kimi, həm də milli qürur məsələsi kimi baxır. Onlar  30 il gözləməkdən yorulublar. İkincisi, beynəlxalq siyasi konyukturanın dəyişəcəyindən qorxurlar. Narahatdırlar ki, Azərbaycanı hansısa yollarlara dayandıra bilərlər. Bura Ermənistanın altdan-altdan müsair silahlarla təchiz olunması, dünyanın müxtəlif ölkələrindən daha çox peşəkar muzdlunun erməni tərəfdən döyüşlərə cəlb olunması  da daxildir.


Hökumət isə fərqindədir ki, yaxşı hazırlaşmadan hücumlar etsək daha çox itki verərik. Həm də nəticə bizi qane etməz, istədiyimizə nail ola bilmərik. Hər bir əsgər və zabitimizin həyatı Ali Baş Komandan üçün əzizdir və dəyərlidir. Həm də görünən odur ki, hökumət həm düşmən ordusunda tam demoralizə prosesinin getdiyini görür, həm də regiona ciddi təsir edə biləcək dövlətlərin sonrakı davranışlarından ciddi narahatlıq keçirmir.


- Etiraf edək ki, "bağlı qapılar arxasında əldə olunmuş razılaşmalardan artığını etməyəcəyik" kimi fikirlər də dolaşmaqdadır.


- Bu tipli razılaşmanın olmasına inanmıram. Əgər belə bir razılaşma varsa, ona ciddi əməl edilməli, yaxud vəziyyətin dəyişməsi səbəbi ilə  yenidən müzakirə olunmalıdır. Amma istəyirəm hər birimiz  elə düşünməyək ki, başqası  ölkəmizi, ərazi bütövlüyümüzü  bizdən az istəyir. Əks-hücum əmrini Ali Baş Komandan verib. İşğalçılar haqqında da ən sərt sözləri o işlədib və onlar qarşısında  ən sərt tələblər qoyub. Dəfələrlə bəyan edib ki, işğalçı ordunun axırıncı əsgəri Azərbaycan ərazisindən çıxmayana qədər bizi heç kim dayandıra bilməz. Hər birimiz  Prezidentin xalqımızla birlikdə qələbələrimizə necə sevindiyini görürük. Amma hamı bir şeyi bilməlidir ki, hər bir halda torpaqlarımızı işğaldan azad edəcəyik. Bu tarixi şansı heç kim əldən buraxmaz.


Bundan başqa arxamızda Türkiyə kimi qüdrətli ordusu olan ölkə dayanır. Biz Türkiyəyə də sona qədər güvənməliyik. Ona görə də istəyirəm ki, xalqımız emosiyaları ilə Prezidentimizə təsir edib, zamanından tez, tələsik qərarlar qəbul etməyə sövq etməsin. Ordumuz çətin relyefi olan dağlıq və meşəlik  bir ərazidə döyüş aparır, torpaqlarımızın hər metrini qan tökməklə azad edir, misli görünməmiş rəşadət və qəhrəmanlıq göstərir. Bir az qabağa da baxmaq lazımdır. Zaman verməklə və növbəti qələbələrimizlə  Ermənistanda siyasi böhranı dərinləşdirib, növbəti mərhələdə müharibənin nəticələrini masa arxasında rəsmiləşdirməyi də asanlaşdırmalıyıq. Prezident uzun illər bu günə hazırlaşıb, apardığı  siyasi və struktur islahatları çərçivəsində möhkəm  milli həmrəyliyə nail olub. Diplomatiya müstəvisində və informasiya savaşında ciddi nailiyyətlər əldə olunub. Ən başlıcası isə hadisələrin gedişi də göstərir ki, haqq və ədalət uğrunda savaşdığımız üçün Allah da bizimlədir. Allah köməyimiz olsun!
Sehliyali
Turan Bank

OXŞAR XƏBƏRLƏR

Mahir Qurbanov Kosta-Rika mediasına müsahibə verib

Qafqaz-İberoamerika Düşüncə Mərkəzinin rəhbəri Mahir Qurbanov Kosta-Rikanın tanınmış  "La Voz de Goicoechea” xəbər portalına müsahibə verib. Sfera...

"Prezidentin bu Fərmanı Ermənistan üçün məcburi xarakterli “müalicə” tədbiridir..."

Sfera.az Milli Məclisin deputatı Ülvi Quliyevin Moderator.az-a müsahibəsini təqdim edir.   - Son vaxtlar Ermənistan  müxtəlif istiqamətlərdə atəşkəs...

“Rauf Arifoğlu ilə Pənah Hüseynin evində görüşdük, ona dedim ki...” – İqbal Ağazadə ilə MÜSAHİBƏ

"Sevinək ki, İqbal Ağazadənin həm pulu var, həm də demokratik cəmiyyət uğrunda mübarizə aparır" "Ümid" partiyasının sədri İqbal Ağazadə Sfera.az saytına...

“Rusiya tərəfdarı olanlar Azərbaycanı 200 il geriyə atıblar” - SİYASİ ANALİTİK

Cənubi Qafqazda və qonşu regionlarda geopolitik durum sabitləşmək bilmir. Müharibədə məğlub olan Ermənistan sistematik olaraq Tovuz və Kəlbəcər istiqamətində mö...

"İndiyə qədərki heç bir müttəfiqlər arasında bağlanan müqavilələrdə belə bənd olmayıb"

"Türkiyəyə qarşı vuruşmaq ehtimalı yaranarsa, ermənini kim müdafiə edir etsin, Ermənistan bu müharibədən salamat çıxa bilməz".    Sfera.az xə...

"48 saat ərzində 21 erməni mövqeyi götürdük" - Kəşfiyyat rəisi

Bu gün Silahlı Qüvvələr günüdür. Bu münasibətlə vətənin keşiyində duran bütün hərbçiləri təbrik edirik! Həmin hərbçilərdən biri də şanlı zəfər tariximizin qızıl...