Yaralı əsgərimiz əməliyyat masasında “Qarabağ” oxudu – VİDEO
Sentyabrın 27-də başlayan əks-hücum əməliyyatları çərçivəsində düşmənə sarsıdıcı zərbələr endirən Azərbaycan Ordusunda döyüş əhvali-ruhiyyəsi yüksək səviyyədədir.
Sfera.az xəbər verir ki, bunu yaralı əsgərlərimizin timsalında da söyləyə bilərik. Çünki indiyədək yaralı əsgərlərimizin hər biritez sağalıb təkrar döyüşlərə qatılmaq arzularını ifadə ediblər. Bununla bağlı sosial şəbəkələrdə çoxsaylı videogörüntülərlə qarşılaşmaq mümkündür. Növbəti belə bir görüntüdə yaralı Azərbaycan əsgəri əməliyyat masasında öz ağrı-acısını unudaraq Qarabağ haqqında mahnı ifa edir.
Yenisabah.az-ın araşdırması zamanı məlum olub ki, əslən Zəngilan rayonundan olan Elvin adlı əsgər müharibənin başladığı ilk gündən düşmənə qarşı aparılan döyüşlərdə iştirak edib.
Yaralı əsgərimizin görüntüləri sosial şəbəkələrdə maraqla qarşılanıb. İzləyicilər ona tezliklə sağalıb Şuşaya zəfər bayrağı sancmağı arzulayıblar.