Yağış və külək Xaçmazda fəsadlar törətdi - TƏRƏFFÜAT
19:19 / 28.07.2021
1844
Azərbaycanın şimal bölgəsində gecə saatlarından başlayaraq yağan yağış və güclü külək Xaçmazın enerji təsərrüfatına ziyan vurub.
Sfera.az xəbər verir ki, bu haqda informasiyanı Xaçmaz İH başçısının müavini, rayon Fövqəladə Hallar Komitəsinin sədri Bəxtiyar Osmanov verib.
Onun sözlərinə görə, gecə saatlarından Xaçmazın 12-yə yaxın kəndində elektrik enerjisi kəsilib:
"Bəzi xəttlərdə qırılmalar olub. Hazırda "Azərişıq” ASC-nin Xaçmaz rayon şöbəsinin qəza briqadası fəsadların aradan qaldırılması ilə məşğuldur”.
Əldə etdiyimiz digər məlumata görə, Xaçmazın Palıdlı kəndində gecədən məhdudiyyətlə verilən işıq səhər saat 10 radələrindən tamamilə sönüb.
Əksər kəndlərdə su quyuları işıqla işlədiyindən su problemi yaranıb. Elektrik enerjisinin yaxın saatda bərpa ediləcəyi deyilir.
(Bizim.Media)
