Sfera.az xəbər verir ki, kəşfiyyatçı Şuşa qayalarına çıxaraq düşmənə gözlənilməz zərbə vurduqlarını diqqətə çatdırıb:

"14 saat kəşfiyyatdan sonra, təxminən yarım metr qalınlığında qarla Şuşa qayalarına kanatla qalxmalı olduq. 400 nəfərlik bir heyətlə qayaya dırmaşmalı idik. Üstümüzdə bıçaq, tapança, limonka var idi. Bizi nə gözlədiyini bilirdik. 500 erməni döyüşçüsünün şəhərin biz hücum edən tərəfində olduğu məlumatını əldə eləmişdik. 

Düşmən bizim bu istiqamətdən gələcəyimizdən xəbərsiz idi.

Ən az qüvvə biz qalxdığımız istiqamətdə idi. O biri mövqelərdə ağır artilleriya və canlı qüvvə sayı buradakından azı üç dəfə çox idi. Çünki onlar bizim qayadan yox, normal yollardan hücum edəcəyimizi gözləyirdilər. Kimsənin ağlına gətirməyəcəyi sıldırımları dırmaşıb, döyüşə artilleriyasız girəcəyimizi düşünmürdülər. Nəinki onların, heç kəsin ağlına gəlməzdi ki, biz bıçaqla Şuşanı almağı düşünürük. Biz qayaları dırmaşıb, əlbəyaxa döyüşə girdik”.

O qeyd edib ki, Şuşa qələbəsində general Hikmət Mirzəyevin böyük rolu olub:

"Generalımızın (Hikmət Mirzəyev) düzgün döyüş tapşırığı, düzgün kordinatları olmasaydı, məhv ola bilərdik. Amma hər şey zərgər dəqiqliyi ilə ölçülüb biçilmişdi. Biz qayaları dırmaşıb, əlbəyaxa döyüşə girdik. Dəqiq deyə bilməyəcəm, təxminən 40-a yaxın ermənini bıçaqla məhv elədim. Onların arasına düşən panika belə general tərəfindən hesablanmışdı, panika yaranan kimi tapşırıq əsasında hərəmiz dəstə-dəstə əks istiqamətlərdə dağılışdıq. Ermənilər artıq həyəcan və qorxudan özlərinə atəş açırdılar. Onlar hətta öz əsgərlərinə belə inanmırdılar, yaxınlaşan öz əsgərlərini vururdular. Çünki onların formasında biz də ola bilərdik”. 

A.Məmmədov vurğulayıb ki, düşmənin 1 illik müdafiə üçün belə kifayət qədər qüvvə topladığı Şuşa şəhidlərimizin qanı bahasına bir neçə saata alınıb: