Xoşqədəm Hidayətqızı: “Həyat o qədər acımasızdır ki...”
22:44 / 19.11.2020
3102
Tanınmış aparıcı Xoşqədəm Hidayətqızı sosial mediadakı paylaşımı diqqət çəkib.
Sfera.az xəbər verir ki, X.Hidayətqızı "İnstagram" hesabında valideynlərinin fotosunu paylaşıb.
Nəvələri ilə birlikdə görüntülənən fotoya aparıcının yazdığı sözlər diqqət çəkib:
"Mən bu gün evində böyükləri-ata, anası olan insanları ən xoşbəxt insan hesab edirəm. Və o xoşbəxtliyi mənə nəsib etdiyi üçün hər gün rəbbimə minnətdarlıq edirəm. Ailə bizim hər şeyimizdir. Sevincimizə ürəkdən sevinən, kədərimizi içdən yaşayan ailəmiz. Lütfən, böyüklərimizə vaxt ayıraq, arzularını yerinə yetirməyə çalışaq. Həyat o qədər acımasızdır ki, itirəcəyin an yaxınlaşanda içinə bir kimsəsizlik, yetimlik qorxusu gəlir və bu dəhşətli bir hissdir. Tanıyanlar bilir ailəmə, ata, anama düşkün biriyəm. Heç vaxt onlarsız qalmağı düşünmədim, evimin baş tacı onlardır. Onlar olmayanda, evə sanki zülmət çökür, günəşim, ayım yox olur".
