WTI neftinin qiyməti bahalaşır, Brent isə ucuzlaşır
Analitiklər bildirir ki, qiymətlərin 40 dollardan aşağı düşməsi problem yaradacaq.
Dünya bazarlarında neftin qiyməti açıqlandı.
Bu barədə hərracların son nəticələrinə istinadən xəbər verlir.
ICE London qitələrarası birjasında Brent markalı neftin qiyməti 0,56% azalaraq bir barelə görə 42,46 dollar olub.
Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 1,12% bahalaşaraq 41,60 dollar təşkil edib.
Dünən səhər saatlarında Brent və WTI markalı neftin qiyməti müvafiq olaraq 42,65 və 41,05 dollara satılırdı.
Analitiklər isə bildirir ki, neftin qiyməti bir barelə görə, 40-50 dollar arasında dəyişəcək, amma qiymətlərin 40 dollardan aşağı enməsi isə problem yaradacaq.
Qeyd edək ki, BP, "Royal Dutch”, "Shell”, "Total” kimi iri neft şirkətlərinin gəlirləri cari ilin ikinci rübündə neftin qiymətlərinin aşağı olması fonunda kəskin azalıb.