Vyanadakı terrorda 3 nəfəri xilas edən iki türk kimdir?
19:23 / 03.11.2020
5314
"Yaralı bir qadını təhlükəsiz yerə aparıb geri dönərkən hücumçularla qarşılaşdıq və ölümlə üz-üzə gəldik”.
Sfera.az xəbər verir ki, bu sözləri Vyanada sinaqoq yaxınlığında baş vermiş silahlı hücum vaxtı 3 nəfəri xilas edən türklər deyib. 1-i polis, 2-si qadın olmaqla 3 nəfərin həyatını xilas edən həmin şəxslərdən birinin adı Mikayıl Özən, digərininki isə Rəcəb Tayyib Gültəkindir. Rəcəb Gültəkin polisi xilas etdiyi zaman ayağından güllə yarası alıb.
Vyana polisi silahlı hücumçulardan birinin saxlanıldığını, digərinin zərərsizləşdirildiyini bildirib. Avstriya Daxili İşlər naziri Karl Nehammer Vyanadakı silahlı hücumun terror aktı olduğunu vurğulayıb. Avstriya mətbuatı həyatını itirənlər arasında bir polis məmurunun olduğu barədə məlumat yayıb.
Qeyd edək ki, Avstriyanın paytaxtı Vyanada sinaqoq yaxınlığında baş verən silahlı hücum nəticəsində 3 nəfərin öldüyü və 15 nəfərin ağır yaralandığı açıqlanıb.