Tanınmış müğənnidən kişi həmkarlarına sərt mesaj: Onlar qorxularından həyat yoldaşlarını gizlədirlər

Tanınmış müğənnidən kişi həmkarlarına sərt mesaj: Onlar qorxularından həyat yoldaşlarını gizlədirlər

Kişi müğənnilərin, yəqin ki, hamıdan gizlətdiyi və ya qorxuduğu bəzi məqamlar var ki, bu səbəbdən həyat yoldaşları ilə birlikdə tədbirlərə qatılmırlar. Mənim isə belə bir qorxum yoxdur.

Sfera.az xəbər verir ki, bu sözləri "Start” telekanalının aparıcısı, tanınmış müğənni Seyran Babayev bildirib.

İfaçı bəy həmkarlarının həyat yoldaşlarını mediadan uzaq tutmalarını bu cür qələmə verib:

"Bəzi sənət yoldaşlarımdan fərqli olaraq, bu mövzuda çox rahat, sərbəst və arxayınam. Müəyyən mərasimlər və ya tədbirlər var ki, oraya həyat yoldaşımla qatılıram. Dostlarımın, əzizlərimin dəvət etdiyi yerlərə xanımımla gedirəm”.

Daha sonra Seyran ifaçılıq karyerasına "Stop” qoyduğunu söyləyib:

"İfaçılıq sənətini (mahnı, klip - red.) hələlik dayandırmışam. "Stop” deməyimin səbəbi isə qazancımın olmamasıdır. Aparıcı fəaliyyətimi davam etdirirəm. Öz üzərimdə çalışıram, maksimal dərəcədə bu istiqamətdə özümü inkişaf etdirmək istəyirəm. Bu sahədə öz bacarıq və biliklərimi ortalığa çıxarmaq istəyirəm. Gündən-günə dinləyicilərimin sayı daha da çoxalır. Bu isə məni çox sevindirir”.

S.Babayev millət vəkili Qüdrət Həsənquliyevin Milli Məclisdə müzakirəyə çıxardığı "Müğənnilər 15 min manata toya gedirlər, 30 manat vergi ödəyirlər” mövzusunu belə şərh edib:

"Müəyyən tədbirlərdə istər aparıcı, istər "fəhlə” kimi  getsəm də, mənim pulumu bank hesabıma köçürürlər və oradan üzərimə düşən vergini ödəyirəm. Mən vergi ödəyən məşhurlardanam (gülür).

Rəsmi olaraq 2017-ci ildən dövlətə vergi ödəyirəm. Əgər bir sənətçi öz sahəsindən pul qazanırsa, dövlətin qoyduğu qanuna görə vergisini ödəməlidir. Bundan gözəl nə ola bilər ki?!”

Seyran Babayev şou-biznesdə canlanmanın olduğunu bildirsə də, bir çox müğənnilərin repertuarında yer alan mahnıların onun zövqünə mənfi təsir göstərdiyini dilə gətirdi:

"Hazırda şou-biznesdə canlanma, müğənnilər arasında rəqabət var. Klip baxımından da müğənnilər bir-birinin ardınca keyfiyyətli işlər təqdim edirlər. Hətta vaxtı ilə dırnaqarası baxdığımız ifaçıların belə çəkdikləri kliplər baxımlı və gözoxşayandır. Amma bunu müğənnilərin ifa etdiyi mahnılara aid etmək olmaz.

Mahnıları dinləməmək şərti ilə keyfiyyət baxımından ekran işləri əladır. İfa etdikləri mahnıları bəyənmirəm, dinləmirəm və xoşum da gəlmir. Dinləyib zövqümü korlamaq istəmirəm. Bir neçə müğənnilər var ki, onların mahnılarının bir-iki notunu dinləyə bilərəm. Onların adlarını ağzıma almaq istəmirəm, "Youtube”dakı "Trend”i açıb, baxmaq kifayətdir”.(oxu.az)

 

OXŞAR XƏBƏRLƏR

Oksana Rəsulovanın koronavirusla bağlı səs yazısı yayıldı - VİDEO

"Ehtiyac yaranarsa, könüllü həkim kimi virusla mübarizəyə qoşularam".  Sfera.az Redaktor.az-a istinadla xəbər verir ki, bu sözləri rəqqasə, aktr...

Murad Dadaşov onu da Xəzər TV-yə gətirdi

 "Xəzər" televiziyası tamaşaçıya yaxın günlərdə yeni layihə təqdim edəcək. Sfera.az bildirir ki, sözügedən telekanalın rəhbəri Murad Dadaşov türkiyəl...

Nazəninə AĞIR İTKİ

Tanınmış müğənni Nazəninə ağır itki üz verib. Sfera.az xəbər verir ki, bu gün sənətçinin qardaşı dünyasını dəyişib: "Daha bir qardaşımı itirdim”. ...

“Səndən sonra heç vaxt evlənməyəcəm” — Xərçəngdən əziyyət çəkən aktrisadan kədərli ETİRAF

Əməkdar artist Tünzalə Əliyeva əziyyət çəkdiyi xərçəng xəstəliyindən danışarkən göz yaşlarını saxlaya bilməyib. Sfera.az xəbər verir ki, o, bu barədə ARB...

"Həyat yoldaşım hansısa qadınla yatacaqsa..." - Nura Surinin bu açıqlaması aranı qatdı

Tanınmış müğənni Nura Surinin xəyanətlə bağlı açıqlaması sosial şəbəkələrdə birmənalı qarşılanmayıb və müzakirələrə səbəb olub. Sfera.az xəbər verir ki, k...

Azərbaycanda 50.000 manata toya gedən müğənni kimdir? — FOTO

"Aygün Bəylər son zamanlar el şənliklərində çox iştirak etmir, ancaq toyda yarım saatlıq çıxış üçün 5000 AZN qarşılığında iştirak edir”.   Sfera.az xə...