Ölkənin yeganə Muxtar Respublikası öz adına layiq olaraq idarəetmə təcrübəsində həmişə yeniliklər edib. Ölkəmizdə gündəmi dəyişən xalqı təhqir edən deputat əgər Naxçıvanda olsaydı o artıq çoxdan mandatından məhrum edilmişdi. Halbuki sadəcə üzr istəməklə özünü və mandatını sığortalamağı bacardı. Məsələn elə çox yox bircə il əvvəl Naxçıvan Ali Məclisinə keçirilən seçkilərdə 45 saylı Aza Seçki Dairəsindən deputat seçilmiş İlhamə Mustafayeva Naxçıvan Muxtar Respublikası Mərkəzi Seçki Komissiyasına ərizə ilə müraciət edərək deputat mandatından imtina edib. Xatırladaq ki, 8 dekabr 2015-ci ildə İ.Mustafayeva Naxçıvan Tibb Kollecinin direktoru vəzifəsindən azad olunub. Bununla bağlı sərəncamı Naxçıvan Ali Məclisinin sədri Vasif Talıbov imzalamışdı. Bundan başqa dollarla kredit məsələsində də Naxçıvanın təcrübəsindən yararlanmaq olardı. Ötən il 25.02.2015-ci il tarixində Naxçıvan Muxtar Respublikası Ali Məclisinin sədri Vasif Talıbovun yanında manatın devalvasiyasının yaratdığı iqtisadi və sosial nəticələrin mümkün qədər kompensasiya edilməsi məsələləri müzakirə olundu. Yekunda kompleks tədbirlər toplusunun mühüm bir istiqaməti kimi ABŞ dolları ilə kredit borcları olan vətəndaşlara güzəşt məsələsinə baxıldı. Bu məsələ ilə bağlı Ali Məclis sədri tapşırıq verib ki, Naxçıvanda banka ABŞ dolları ilə kredit borcu olan sakinlər borclarını ödəyib qurtaranadək (yalnız kredit borcu olanlar borcunu ödəyən zaman) 1 dollar = 1.05 manat ekvivalentində konvertasiya edildi.

Sfera.az