Vaksinasiya əks effekt verə bilməz – “İnsanlarda əlavə stress yaşatmaq yolverilməzdir”
10:57 / 29.03.2021
1233
"Covid-19 əleyhinə peyvəndin effektiv
olmayacağına əsas kimi qısa müddətdə hazırlanması, klinik sınaqlarının sona qədər
aparılmaması, əlavə effektlərinin öyrənilməməsi və s. kimi arqumentlər göstərilir.
Bunlar heç bir əsası olmayan iddialardır”.
Sfera.az xəbər verir ki, bunu tibb elmləri
doktoru, professor Musa Qəniyev deyib. Onun sözlərinə görə, hər bir yeni
yaranan infeksiyaya qarşı effektiv vaksinin hazırlanmasına illərlə vaxt
lazımdır:
"Tarix baxımından ən tez hazırlanan vaksinlərdən
biri Ebola qızdırmasına qarşı olub ki, buna da 5 il vaxt lazım gəlib. Lakin Covid-19-a
yoluxma reseptor mexanizmlərlə baş verdiyi və virusun genom strukturu məlum
olduğuna görə, onun əleyhinə vaksinlərin hazırlanmasına illərlə yox, aylarla
müddətinin lazım olacağı barədə demişdim. Söylədiklərim cəmi 8 aydan sonra öz təsdiqini
tapdı. Günümüzdə müxtəlif infeksiyalara qarşı vaksinasiya, hər il yer kürəsində
2 milyondan 3 milyona qədər insanı ölümün pəncəsindən xilas edir. Hazırda Covid-19
əleyhinə tövsiyyə olunan peyvəndlər də bu məqsədə xidmət edir. Bu peyvəndlərdən
heç biri, alınma mənbəyi, alınma yolu və istehsalçısından asılı olmayaraq, fəsad
və xüsusi müdaxilə tələb edən ciddi arzuolunmaz əlavə effektlərə səbəb ola bilməz”.
M.Qəniyev bildirib ki, bu gün bütün dünyada Covid-19
əleyhinə, əsasən, "Pfizer”, "Moderna”, "Janssen”, "Sinovak”, "Sputnik V” və "AstraZeneca” peyvəndlərindən istifadə
olunur. Bu peyvəndlər içərisində bizim üçün xüsusi önəm təşkil edəni, hazırda
istifadə olunan "Sinovak” (CoronaVac), eləcə də yaxın aylarda ölkəmizə gətirilməsi
planlaşdırılan "AstraZeneka” və "Sputnik V” peyvəndləridir.
"Sinovak” inaktivləşdirilmiş selektiv virus
ştammıdır. Yəni bölünmək, artıb çoxalmaq və əlavə effektlər törətmək qabiliyyətindən
tamamilə məhrumdur. İnaktiv genom ardıcıllığını tanıdığından, immun sistem ona
qarşı xüsusi əks reaksiya vermədən yalnız qoruyucu antitellər hazırlayır. Gətirilməsi
planlaşdırılan digər 2 peyvənd isə
"vektorlu ("viruslu) peyvəndlərə aiddir. Məsələn, "AstraZeneka”nın
hazırlanması zamanı saprofit adenovirus genomunun kəsilərək götürülmüş yalnız 2
subvahidindən istifadə olunur. Tərkibinə Kovid-19-un S-zülalını kodlayan gen
yerləşdirilən bu fraqment bölünmə qabiliyyətindən məhrumdur. Yalnız genom
fraqmentinə malik olduğundan, bu cür vaksinlərin təmizlik dərəcəsi daha yüksək
olur. Odur ki, onlar ümumiyyətlə əlavə effekt törətmir. "Sputnik V” peyvəndi də
analoji tərkib və hazırlanma texnologiyasına malikdir. Deməli, tam təhlükəsizdir”.
Professor "peyvəndlərin kimlərə vurulması təxirə
salına bilər” sualını bu cür cavablandırıb:
"Vaksinasiya istər öldürülmüş virus, istərsə də
onun inaktiv genomu ilə aparılmasından asılı olmayaraq, yalnız bir məqsədə
- "nisbi xəstəlik modeli” yaratmağa,
başqa sözlə, müvafiq antitellərin əmələ gəlməsinə xidmət edir. Bu halda uzun
RNT genomuna malik olan virus əleyhinə yaranan antitellərin ümumi yaşam müddəti,
xəstəliyi keçirmiş insanlarda əmələ gələn antitellərin yaşam müddətindən zaman
etibarı ilə fərqlənmir. Eləcə də, bu halda
aktiv hüceyrə immuniteti eyni mexanizmlə formalaşmaqla, immun yaddaşa əbədi
həkk olunur. Başqa sözlə, istər xəstələnmə, istərsə də vaksinasiya zamanı,
antitellərin əmələ gəlməsi və immunun yaddaşa ötürülməsi eyni mexanizmlə baş
verir. Bu səbəbdən, Kovid-19-un hansı klinik formasını keçirməsindən asılı
olmayaraq, sağalmış insanlara ilk 6-8 ay müddətində virus əleyhinə vaksin
vurulması zərurət deyildir. Lakin vaksin vurulması da əks göstəriş deyil. Yəni,
burada biri digərini inkar edəcək, elmi əsaslı bir şey yoxdur. Hər iki halda
yoluxma baş verərsə, İgG antiteli ilk yoluxmadakı kimi 21 gündən sonra yox, 3 gündən
sonra əmələ gəlir. Yəni peyvənd olunma və ya xəstəliyi keçirmə, təkrar
yoluxmanı yox, yalnız xəstəliyi asimptomatik, yüngül, fəsadsız keçirməyə və
letallığının 100% nisbətində sıfrlanmasına təminat verir”.
Mütəxəssis vurğulayıb ki, peyvəndi almış insanları
qorxuya salmaq və ya peyvənd olunacaq insanlarda əlavə stress yaşatmağa xidmət
edən əsassız fikirlərin yayılması, tirajlanması və şüurlara yeridilməsi
yolverilməzdir:
Günay Rəsulqızı
Sfera.az