Uşaqpulu tələbi populizmdir, yoxsa... – Ekspert şərhi
14:28 / 10.04.2021
3449
"Təəssüf
ki, Azərbaycanda mümkünlüyü şübhə doğurmayan bir çox tələblərə populizm kimi
baxırlar. Uşaqpulu məsələsi heç də polulizm deyil. Onun verilməsinə başlamaq
lazımdır”.
Bu sözləri Sfera.az-a açıqlamasında son
zamanlar geniş müzakirə olunan uşaqpulunun verilməsi tələbinin iqtisadi əsaslandırmasından
danışarkən ekspert Cümşüd Nuriyev deyib:
"Normal dövlətlərdə, hətta inkişaf etmiş ölkələrdə
belə uşaqpulu verilir. Yaponiya, Çİn kimi inkişaf etmiş ölkələr də bu mexanizmdən istifafə edir. Niyə 10
milyonluq Azərbaycanda uşaqpulu verilməsin?”
Həmsöhbətimizin fikrincə, uşaqpulu vermək üçün
iqtisadi əsaslar da var: "Birincisi, Azərbaycan
inkişaf etməkdə olan ölkələr sırasında orta səviyyəli ölkədir. Ölkəmizdə
adambaşına düşən ümumdaxili məhsulun həcmi 9200 dollara çatmayıb. Digər tərəfdən,
Azərbaycanda demoqrafik temp o qədər də yüksək deyil. Habelə, ölkəmizdə yaşam şərtləri,
yəni, bazarla nominal əmək haqqı uyğun gəlmir. Kommunal xərcləri, borcları ödəyəndən
sonra, nominal əmək haqqı 30 faizə qədər
azalır. Belədə, 70 faizlik nominal əmək haqqı real bazarla uyğun gəlmir.
Hər bir uşağın minimum aylıq xərci 350 manatdır. Ailədə iki uşaq varsa, ailə başçısı ayda 2
min manat maaş almalıdır. Azərbaycanda isə
bu qədər əmək haqqını yalnız nazirlər, nazir müavinləri və deputatlar
alır”.
C. Nuriyev düşünür ki, Azərbaycanın dövlət büdcəsi uşaqpulu məsələsini
həll etməyə imkan verir: "Bunun üçün büdcədən elə də böyük ayırmalara ehtiyac
yoxdur. 16 yaşa qədər uşaqlara ödəniş
etmək mümkündür. Bunun üçün böyük vəsaitə də ehtiyac yoxdur. Ayda 300-400 min
manat pul bəs edir”.
Elçin
