Uşaqpulu bərpa edilməlidir – “Neft ölkəsi olan Azərbaycan bu məsələni həll etməlidir”
12:22 / 09.03.2021
1669
"O qənaətdəyəm ki, uşaqpulu verilməlidir. Neft
ölkəsi bu məsələni həll etməlidir. Digər neft ölkələrinə baxanda görürük ki,
hamısında ehtiyacı olanlara hər səviyyədə dəstək və yardımlar edilir. Azərbaycanda da birdəfəlik yardımlar var. Amma
uşaqpulu da əlavə olunmalıdır”.
Bu sözləri Sfera.az-a açıqlamasında uşaqpulunun
bərpası məsələsinin yenidən, Milli Məclis üzvü Aqil Abbasın timsalında
deputatlar səviyyəsində belə müzakirə predmeti olmasına münasibət bildirərkən iqtisad elmləri doktoru, sabiq maliyyə naziri Fikrət Yusifov deyib.
Onun sözlərinə görə, neft ölkəsində bu məsələdə
problem olmamalıdır: "Bu məsələ tamamilə spesifik məsələdir. Düzdür,
ölkədə pandemiya və Vətən müharibəsi səbəbindən müəyyən maliyyə çətinlikləri
yaranıb, bununla belə problem yoluna qoyula bilər. Dövlətin nə qədər maliyyə çətinlikləri
olsa da, bu məsələnin üzərinə qayıdılmalı və nəhayət, öz həllini tapmalıdır”.
Elçin
Sfera.az