Uşaqlar da vaksinasiyaya cəlb olunur? – “Xroniki xəstəliyi olanlar və 14 yaşdan yuxarılar...”
14:02 / 13.08.2021
1267
Sentyabr-oktyabr
aylarından etibarən ənənəvi təhsilə qayıdışla bağlı məlumatlar yayılmaqdadır. Ənənəvi
tədrisin bərpasını zəruri edən amillər sırasında builki qəbul nəticələri də öz
sözünü deyir.
Məktəblərin
koronavirusun yayılması üçün əlverişli mühit olduğunu nəzərə alsaq, bu, yoluxma
sayının artması ehtimalını da qüvvətləndirir. Bundan başqa yanaşı xəstəliyi
olan məktəblilər üçün yoluxmanın daha riskli olacağı düşünülür.
Maraqlıdır,
məktəblilər COVID-19 əleyhinə vaksinasiyaya cəlb edilə bilərlərmi? Vaksinasiyanın
uşaqlar və yeniyetmələr üçün əks təsirləri var?
Mövzu ilə
bağlı Sfera.az-a danışan pediatr Sevda Novruzova uşaqların vaksin olunmasında
hansısa problemin olmadığını deyib. Həkimin sözlərinə görə, yanaşı xəstəliyi
olan uşaqların virus əleyhinə peyvənd olunması daha yaxşı olar:
"Xroniki
xəstəliyi olan uşaqların immun sistemi həmyaşıdlarına nisbətən daha zəif olur.
Bu baxımdan kollektiv içərisində olan uşaqlarda xəstəliyi olan azyaşlılara
tez-tez rast gəlirik. Ona görə də belə uşaqların koronavirus əleyhinə peyvən
olunması yaxşı olardı. Vaksinasiyanın uşaqlar üçün heç bir yan təsiri olmaz, əksinə,
bədəndə antitel əmələ gələr, yoluxma riski az olar və yoluxduqları təqdirdə xəstəliyi
yüngül keçirərlər. Əvvəlki dövrdə də uşaqlara xəstəliklərin qarşısını almaq üçün
peyvənd tətbiq edilib, burada qorxulu nəsə yoxdur".
Mütəxəssis
14 yaşdan yuxarı yeniyetmələrin xəstəliyi nisbətən ağır keçirdiyini qeyd edib:
Əzizə
Zeynal
Sfera.az
