“Unicapital” İnvestisiya Şirkətinə yeni rəhbər təyin olunub

“Unicapital” İnvestisiya Şirkətinə yeni rəhbər təyin olunub
 

"Unicapital” İnvestisiya Şirkətinin Səhmdarının qərarı ilə Tahir Qəribov "Unicapital” İnvestisiya Şirkəti” ASC-nin baş meneceri təyin olunub. Tahir Qəribov bu vəzifəyə təyin olunanadək "Unicapital” Müşahidə Şurasının müşaviri vəzifəsində çalışıb.

Tahir Qəribov Unibank komandasına 2010-cu ildən qoşulub. O, bankda "Lizinq Əməliyyatları Departamentinin rəhbəri”, "İdarə Heyəti sədrinin törəmə təşkilatları üzrə müşaviri”,  "İnvestisiya Bankçılığı Departamentinin direktoru” və digər vəzifələrdə işləyib. 2018-ci ildən isə "Unicapital” İnvestisiya Şirkətində çalışır.

Nizamnamə kapitalı 100%-lik "Unibank”a məxsus olan "Unicapital” İnvestisiya Şirkəti, 2007-ci ildən qiymətli kağızlar bazarında böyük təcrübəsi olan və Azərbaycan qiymətli kağızlar bazarında aparılan əməliyyatların həcminə görə ilk sıralarda yer tutan bir şirkətdir və hal-hazırda Bakı Fond Birjasında ən uzunmüddətli üzvlüyə malikdir.

Qiymətli kağızlar bazarının uzun illərdir ki, iştirakçısı olan "Unicapital” İnvestisiya Şirkəti, hüquqi və fiziki şəxsləri də əhatə etməklə böyük müştəri bazasına malikdir. Uğurlu bazar təcrübəsi sayəsində "Unicapital” istər Azərbaycan bazarına daxil olmaq istəyən xarici investorlar, istərsə də xarici və yerli qiymətli kağızlara yatırım etmək istəyən yerli hüquqi və fiziki şəxslər üçün etibarlı tərəfdaşdır. İnvestisiya Şirkəti qiymətli kağızlar bazarında həm əsas, həm də yardımçı investisiya xidmətləri göstərir.

"Unicapital”ın hədəfi korporativ qiymətli kağızlar buraxılış sektorunu inkişaf etdirmək və qiymətli kağızlar vasitəsilə Azərbaycanın qeyri-neft sektorunun maliyyələşdirilməsini genişləndirməkdir.



OXŞAR XƏBƏRLƏR

Unicapital rəhbərliyində yeni təyinatlar olub

  "Unicapital” İnvestisiya Şirkətinin baş menecerinin qərarı ilə Tələt Kalayev "Unicapital” İnvestisiya Şirkəti ASC-nin biznes və biznesin inkiş...

ADY Konteyner növbəti rekorda imza atıb

  Transxəzər Beynəlxalq Nəqliyyat Konsorsiumunun üzvləri – ADY Konteyner (Azərbaycan), KTZ Express (Qazaxıstan), GR Logistics (Gürcüstan) və Pasifik Euras...

“Azad Zona BTQ-nin potensialını əhəmiyyətli dərəcədə artıracaq”

  Şərqlə Qərbi, habelə Şimalla Cənubu birləşdirən əsas nəqliyyat dəhlizlərinin yolu üzərində yerləşməsi Azərbaycanın Avrasiyanın regional mərkəzinə çevril...

Azərbaycan geoiqtisadi təşəbbüsə yiyələnə bilər - Rusiyalı ekspert

  Aleksandr Karavayev Rusiya Elmlər Akademiyası İqtisadiyyat İnstitutunun elmi işçisi   Nəqliyyat və sənaye sahələrində yeritdiyi siyasətə əsaslan...

"Neft və qazın ucuzlaşdığı bir ildə SOCAR-ın mənfəətə çıxması pozitiv nəticədir"

 Azərbaycan Dövlət Neft Şirkətinin (SOCAR) 2019-cu il üzrə konsolidasiya edilmiş maliyyə hesabatları əsasən şirkətin ümumi dövriyyəsi (gəlirləri) 83,8 mily...

Çindən gələn yük karvanı Bakı Limanından keçərək Türkiyəyə yola salınıb - FOTO

 İyun ayının 30-da Çinin Sian şəhərindən çıxan və Türkiyənin İstanbul şəhərinə istiqamətlənən və 43 konteynerdən ibarət blok qatarı Bakı Limanında aşırılıb...