Bunu Sfera.az-a açıqlamasında siyasi şərhçi Teymur Qasımlı Ukraynanın Türk Şurasında müşahidəçi statusu almaq üçün müraciət ertməsini şərh edərkən deyib.

Onun sözlərinə görə, Türk Şurasında müşahidəçi statusu almaq istəyən Ukraynanın qarşısında bir sıra problemlər var:

"Birincisi, rəsmi Kiyevin Türk Şurasında müşahidəçi qismində üzv olmaq niyyəti onun çoxvektorlu xarici  siyasətin təcəssümüdür. Ukrayna həm də Türk Şurasında özünə müttəfiq axtarmaq istəyir. Lakin türk ölkələrinin heç də hamısı Kiyevin bu istəyi ilə həmfikir deyil. Məsələ ondadır ki, Qazaxıstan və digər Rusiyaya yaxın olan ölkələr Krımı Ukraynanın deyil, Rusiyanın ərazisi olaraq tanıyır. Bu mənada elə başda Qazaxıstan Kiyevin bu istəyini ya qəbul etməyəcək, ya da tərəfsiz qalacaq.

İkincisi, Ukrayna kimi Rusiya da bu gün Türk Şurasında müşahidəçi statusu almaq istəyir. Onu da qeyd edim ki, Moskvanın bu tələbi Ukraynadan daha haqlıdır. Çünki Rusiya tərkibində bir yox, bir çox türk etnosu yaşayır və bunların bir çoxu daxili subyekt hesab edilir. Bu mənada Kreml bu istəyini həm də daxilindəki türk etnosları ilə əsaslandırır.

 

Turan Rzayev