Sfera.az  Avropa futbol qurumunun rəsmi saytına istinadən xəbər verir ki, "Qarabağ" klubundan Kevin Medina ən çox dəqiq ötürmə verən futbolçular siyahısına düşüb.

27 yaşlı müdafiəçi Kiprdə "Omoniya"ya 4:1 hesabı ilə qalib gəldikləri görüşdə 86 dəfə dəqiq ötürmə verib. Kolumbiyalı oyunçu bu göstəricidə İngiltərə "Tottebhem"indən Kristian Romero ilə birlikdə 4-5-ci yerləri bölüşdürür.

Danimarka "Kopenhagen"indən Nikolay Boylesen (106) siyahıya başçılıq edir. "Tottenhem"dən Harri Uinks (95) ikinci, Finlandiya HİK-indən Valtteri Moren (86) üçüncüdür.

Qeyd edək ki, ilk turda Bakıda İsveçrə "Bazel"i ilə qolsuz heç-heçə edən Ağdam klubu III turda Qazaxıstanın "Kayrat" komandasını qəbul edəcək.