No Image
No Image

Türkiyənin səfiri Mənsimovdan danışdı: “Bu gün aksiya keçirənlər…”

Türkiyənin səfiri Mənsimovdan danışdı: “Bu gün aksiya keçirənlər…”
Türkiyənin Azərbaycandakı səfiri Erkan Özoral "Palmali” şirkətlər qrupunun rəhbəri Mübariz Mənsimovun həbs edilməsinə münasibət bildirib.
 

Sfera.az xəbər verir ki, səfir Erkan Özoral Demokrat.az-a açıqlamasında deyib ki, Mübariz Mənsimovun məhkəmə qərarı ilə Türkiyədə həbs edilməsi məsələsinə hörmətlə yanaşıb, prosesin yekun nəticəsini gözləmək lazımdır:

"Türkiyə hüquqi və demokratik dövlətdir. Mübariz Mənsimovla bağlı ədalətli qərarı yalnız məhkəmə verə bilər. Hazırda onunla bağlı işə məhkəmə baxır. Məhkəmənin qərarına hər hansı şərh verməyimiz düzgün olmazdı. Son qərarı məhkəmə verir. Cinayətkar olub-olmadığına da bu prosesin sonunda yenə məhkəmə qərar verəcək”.

Səfir Mübariz Mənsimova görə narahat olan insanları bu vəziyyətdən sui-istifadə etmək istəyənlərə qarşı diqqətli olmağa çağırıb.

Bu gün Bakıda bir qrup şəxsin Türkiyənin Azərbaycandakı səfirliyi önündə Mübariz Mənsimova dəstək aksiyası keçirməsinə də toxunan Erkan Özoral qeyd edib ki, hər kəsin sərbəst fikir söyləmək haqqı var:

"Aksiya keçirənlər səfirliyə protokol təqdim ediblər. Onların öz tələbləri var. Biz buna normal baxırıq. Hər kəsin sərbəst fikir söyləmək haqqı var. Ancaq məsələnin ədalətli həllinə biz deyil, məhkəmə qərar verir. Əgər ortada bir cinayət varsa, bunun məhkəmə tərəfindən sübut olunması zəruridir. Ədalətli qərarı verən də məhkəmədir. Hər birimiz məhkəmənin qərarlarına hörmətlə yanaşmalıyıq”.

Qeyd edək ki, Mübariz Mənsimov FETÖ terror təşkilatı ilə əlaqədə və casusluqda ittiham edilib və barəsində həbs-qətimkan tədbiri seçilib. (yeni sabah)

Sehliyali
Turan Bank

OXŞAR XƏBƏRLƏR

Pərvin Kərimzadə: Şuşa Bəyannaməsi ilə bölgəyə çox böyük mesajlar verildi

"Milli Qurtuluş Günündə Azərbaycan və Türkiyə arasında imzalanan müttəfiqlik münasibətləri haqqında Şuşa Bəyannaməsi ilə dünyaya və bölgəyə çox böyük mesajlar v...

Yeni müharibə TƏHLÜKƏSİ: "Rusiya çevrəyə alınır..."

"Növbəti 10 il ərzində NATO Rusiyanın hər tərəfdən çevrələnməsi üçün çalışacaq".   Bunu Sfera.az-a açıqlamasında politoloq Natiq Miri deyib. Politoloq ək...

Ərdoğan: "Bütün dünya bilsin ki, Azərbaycanın yanında yer alacağıq”

"Gözlərini qırpmadan Vətən üçün qəhrəmancasına mübarizə aparan Azərbaycan Silahlı Qüvvələrini təbrik edirəm”. Sfera.az xəbər verir ki, bunu Türkiyə Prezid...

Rusiyanın “Şuşa bəyannaməsi”nə reaksiyası necə olacaq? - Açıqlama

"Ərdoğanın Qarabağa səfəri və səfərin nəticəsi olan "Şuşa bəyannaməsi” Ermənistanda qorxu və vahimə yaradarkən, Moskvanın reaksiyasi hələ ki, soyuqqanlıdır. R...

Ərdoğan parlamentdə çıxış edir - CANLI YAYIM

Azərbaycan Milli Məclisinin növbədənkənar sessiyasının xüsusi iclası keçirilir. Sfera.az xəbər verir ki, toplantıda Azərbaycanda rəsmi səfərdə olan Türkiy...

Prezident İƏT-in Zirvə toplantısında çıxış etdi

İslam Əməkdaşlıq Təşkilatının Elm və Texnologiya üzrə onlayn formatda ikinci Zirvə toplantısı keçirilib. Sfera.az xəbər verir ki, tədbirdə Azərbaycan Prez...