No Image

Türkiyəli ekspert: "Azərbaycan Ordusu dünyanın qabaqcıl orduları ilə rəqabətə girəcək potensialdadır" - MÜSAHİBƏ

Türkiyəli ekspert:
 

Türkiyə Prezidenti yanında Təhlükəsizlik və Xarici Siyasət Komitəsinin üzvü, Yeditepe Universitetinin Hüquq fakültəsinin professoru Mesut Hakkı Caşın 26 İyun - Azərbaycan Respublikası Silahlı Qüvvələr Günü ərəfəsində "Report"un Türkiyə bürosuna müsahibə verib.

- Son illər Azərbaycan Ordusunda baş verən müsbət dəyişiklikləri necə qiymətləndirirsiniz?

- Azərbaycan Silahlı Qüvvələri çox qısa zamanda Xəzər regionunda güclü, modern orduya çevrilib. Bu ordu müstəqil, suveren Azərbaycan dövlətinin ərazi bütövlüyünü və xalqının rifahını qorumaqla yanaşı, güclü hərbi hava qüvvələrinə də sahibdir. Bu gün Azərbaycan Ordusunda çox yaxşı hərbi təhsil almış hərbçilər xidmət edir. Azərbaycan Silahlı Qüvvələrinin yüksək atış sürətinə, dəqiqliyə və çox böyük məhvetmə gücünə malik silah və texnikaları var. Məhz güclü ordu amili Azərbaycanın qısa zamanda Qafqazın, Xəzər regionunun enerji təhlükəsizliyində və bölgədə sülhün təmin edilməsində çox böyük strateji əhəmiyyətə sahib olmasına gətirib çıxarıb. Prezident İlham Əliyevin rəhbərliyi ilə xüsusilə son illərdə yüksək əhval-ruhiyyəyə sahib, özünə inanan və sözün əsl mənasında dünyanın qabaqcıl orduları ilə rəqabətə girəcək potensiala sahib Azərbaycan Ordusu qurulub. Bu ordu modern hərbi təyyarələr, tanklar, toplar, raketlər, silah-sursatlar, radarlar, zirehli texnikalar, transportyorlar və döyüş gəmiləri ilə təchiz olunub. Bu gün Azərbaycanın sözün əsl mənasında güclü ordusu və hərbi sisteminin mövcud olduğunu əminliklə deyə bilərik.

- Hazırda Azərbaycanla Türkiyə arasında hərbi sahədə əməkdaşlıq hansı səviyyədədir? Bu əməkdaşlığın daha da inkişafı üçün nə təklif edirsiniz?

- Azərbaycan və Türkiyə iki qardaş ölkədir. Ankara və Bakı arasında hərbi əməkdaşlıq sahəsində iki ölkə prezidentləri İlham Əliyev və Rəcəb Tayyib Ərdoğanın liderliyində çox böyük irəliləyiş əldə edilib. Bu ittifaq yüz il öncə Qafqaz İslam Ordusunun komandanı Nuru Paşanın Bakını erməni-bolşevik silahlı dəstələrindən təmizləməsi kimi tarixi əhəmiyyətə sahibdir. Bu da şəhidlərin qanı ilə yazılan bir ittifaq anlayışına sahib olub tarixdə də dünəndən sabaha hər zaman qorunub saxlanacaq. Bir sözlə, Bakının azadlığı Ankaranın müstəqilliyi deməkdir. Bu gün iki ölkənin hərbçiləri müdafiə sənayesində birgə layihələrə imza atır, təlimlər keçir, eyni zamanda yeni silah-sursat və texnikaların istehsalı üçün fəaliyyət göstərirlər. Mən Türkiyə Hərbi Hava Qüvvələrində xidmət etdiyim müddətdə Azərbaycan hərbi pilotlarının yetişdirilməsində rolum olub. Bu istiqamətdə fəaliyyətim yenə də davam edir. Hazırda Türkiyə Milli Müdafiə Universiteti nəzdindəki Hərbi-Hava Akademiyasında zabitlərə dərs keçirəm. Onların arasında azərbaycanlılar da var və onları tanıdığım üçün xöşbəxtəm. Fikrimcə, Azərbaycan Ordusu bu cür gənclərlə gələcəyin ən güclü ordusunu yetişdirir. Azərbaycan Ordusunun qurulmasında iştirak edən bir zabit olaraq iki ölkənin ortaq hərbi təlimləri ilə hər zaman savaşa hazır olduğunu deyə bilərəm. Türkiyə xalqı Azərbaycan Ordusunun ay-ulduza sahib bayrağı Xəzərdə, Qara dənizdə yüksəltməsindən qürur duyur.

- Son dövrlər Dağlıq Qarabağ münaqişəsinin hərbi yolla həlli mümkün ssenari kimi görünür. Belə olan halda Azərbaycan Ordusunun potensialını necə dəyərləndirirsiniz?

- Azərbaycan dövləti Ermənistanın işğal etdiyi əzəli torpaqlarından çıxması üçün hüquqi və diplomatik yollara baş vurur. Ancaq Ermənistan təcavüzkar siyasətindən əl çəkməyərək atəşkəsi pozur. Mən hesab edirəm ki, bölgədə sülh və istiqrar hər kəsin faydasınadır. Bu baxımdan Azərbaycan dövlətinin torpaqlarını işğaldan azad edərək qısa zamanda ərazi bütövlüyünə qovuşması Qafqazda sülhün və istiqrarın təmin olunması üçün vacibdir. Bu səbəbdən də Azərbaycanın güclü ordusunun mövcudluğu həm özü, həm də Türkiyə üçün çox böyük əhəmiyyətə malikdir. Mən Azərbaycan Silahlı Qüvvələrinin gücünə inanıram və bu ordudan hər zaman qələbə xəbərini gözləyirəm. Yaşasın Azərbaycan və Türkiyə qardaşlığı, yaşasın iki qardaş ölkənin güclü ordusu!


OXŞAR XƏBƏRLƏR

Öz xalqı ilə açıq və səmimi danışa bilən əsl dövlət adamı - MÜSAHİBƏ

 Müsahibimiz Milli Məclisin deputatı Ülvi Quliyevdir. Prezident İlham Əliyevin sentyabrın 19-da verdiyi müsahibədə səsləndirdiyi mühüm mesajlara deputatın ...

Əsgərlərimiz Paşinyanın arvadını əsir götürəcəkləri anı səbrsizliklə gözləyirlər – Deputat

 Bütöv Azərbaycan Xalq Cəbhəsi Partiyasının sədri, millət vəkili Qüdrət Həsənquliyevin müsahibəsini təqdim edirik: – Qüdrət bəy, Azərbaycan Respublik...

Eros Ramozotti azərbaycanlı jurnalistə müsahibə verdi

 "Uşaqlarım mənim əsas ilham mənbəyimdir” "Həyatda təəssüflə yaşamamalıyıq, hər zaman inam və ümidlə  gələcəyə baxmalıyıq” "Azərbaycanı ...

Bakı şəhərinin təhsil şefi yeni qaydalarla bağlı müsahibə verdi

Sfera.az "Qafqazinfo”-ya istinadla Bakı Şəhəri üzrə Təhsil İdarəsinin müdiri Rəşad Tağıyevin müsahibəsini təqdim edir: - Bütün suallara, hamını düşündürən pand...

"Mənə bir gündə neçə dəfə təcavüz edirdilər" - TÜKÜRPƏDƏN MÜSAHİBƏ - VİDEO

  Tanınmış teleaparıcı Ramal Hüseynov yeni sosial layihə ilə gündəmə gəlib Uzun illər ölkənin müxtəlif televiziyalarında bir çox verilişlərin aparıcısı o...

Şair Ramaldanov: Azərbaycan Ordusu torpaqlarımızı işğaldan azad etməyə tam qadirdir

  Son illər Azərbaycan Ordusunda ciddi islahatlar həyata keçirilməkdədir. Maddi-texniki bazası gücləndirilən Ordumuz ən müasir silahlarla təchiz olunur, d...