"Türkiyədən gələn məhsullar ucuzlaşmayacaq, Rusiyanın məhsulları isə bahalaşacaq" - PROQNOZ

"Azərbaycanın ən böyük ticarət tərəfdaşlarından olan Türkiyə və Rusiyada milli valyutalarla bağlı maraqlı proseslər gedir”.
 
Sfera.az bildirir ki, bunu iqtisadçı Natiq Cəfərli deyib. O bildirib ki, Türkiyədə lirənin minumum səviyyəyə düşməsinin bir neçə səbəbi var: 

"Birincisi, Türkiyənin xarici ticarətdə mənfi saldosu. İkincisi, turizmdən gələn gəlirlərin kəskin azalması. Nəhayət, ən əsası, Türkiyə prezidenti Ərdoğanın Mərkəzi Bankın müstəqilliyini əlindən alması. 

Rusiyada isə, rublun ciddi dəyər qazanmasını görürük. Ötən gün bir dollar 69 rubla qədər ucuzlaşdı. Bunun da 2 əsas səbəbi var: Dünyada enerji daşıyıcılarının qiymətinin kəskin artması, neftin, qazın bahalaşması və Rusiya Mərkəzi Bankının ard-ardına faiz artımına getməsi, uçot dərəcəsini artırması”.

İqtisadçı qeyd edib ki, məntiqlə, Azərbaycana Türkiyədən gətirilən mal-məhsullar ucuzlaşmalı, Rusiyadan gətirilənlər isə bahalaşmalıdır:

"Məmləkətdə məntiq adlı məfhum işləmədiyinə görə, Türkiyədən gələn məhsullar ucuzlaşmayacaq, amma Rusiyadan gələn mal-məhsulların ciddi bahalaşmasını görəcəyik. Bizdə məzənnə siyasi, inzibati məfhum olduğuna, əmrlə məzənnə təyin edildiyinə görə, hələ ki, dəyişməyəcək. Çünki neft bahadır. Amma ölkədə, ən az devalvasiya qədər təhlükəli olan başqa proses gedir – manatın alıcılıq qabiliyyəti kəskin aşağı düşür. Manatın alıcılıq qabiliyyətinin aşağı düşməsi insanların real gəlirlərinin kəskin azalmasına səbəb olur, bu isə kasıblığı dərinləşdirən əsas faktorlardan biridir”.

Günay Rəsulqızı
Sfera.az
Sehliyali
Turan Bank

OXŞAR XƏBƏRLƏR

Ekspert ət və südün bahalaşmasının səbəblərini AÇIQLADI

"Süd-ət-yem pariteti müntəzəm olaraq hesablanmalı, bu paritet süd və ətin qiymətinin formalaşması üçün baza kimi diqqətdə saxlanmalıdır”.   Sfera.az xəbə...

Dollar son bir həftədə ucuzlaşıb - SƏBƏB

Son günlər dolların ucuzlaşacağına dair yayılan məlumatlar beynəlxalq birjalarda Dollar İndeksinin düşməsinə səbəb olub. İndeks bir neçə gün ərzində 96,3 səviyy...

Azərbaycanda avtomobillərin ehtiyat hissələrinə çəkilən xərc niyə ARTIR?

2021-ci ilin ilk 11 ayı ərzində Azərbaycan 206 milyon dollar dəyərində avtomobil ehtiyat hissələri idxal edilib. 2020-ci ilin eyni dövründə idxalın dəyəri 145 m...

2025-ci ilə qədər 4 milyarda çatacaq - Qeyri-neft ixracı niyə 47 faiz artdı?

Bu il Azərbaycanın qeyri neft-qaz ixracında kəskin artım qeydə alındı. Artımın məbləği 870 milyon dollar olmaqla 2020-ci ildən 47,2 faiz çox oldu.   ...

Qazaxıstandakı hadisələr nefti və uranı BAHALAŞDIRIR

Qazaxıstanda baş verən son hadisələr uran və neftin bahalaşmasına səbəb olub.   Sfera.az bildirir ki, Qazaxıstan "OPEC+” razılaşmasına qoşulan ölkələrdən...

Çörək sonuncu dəfə 6 il əvvəl bahalaşmışdı - Nə baş vermişdi?

Azərbaycanda digər qida məhsullarından fərqli olaraq çörəyin qiymətində dəyişikliyə tez-tez rast gəlinmir. Xüsusən də "zavod” çörəyi kimi tanınan dairəvi çörəkl...