"Ölkə daxilində yağan güclü qar səbəbindən Bolu, Qaziantep, Malatya, Kahramanmaraş, Artvin, Diyarbəkir, Bingöl və Osmaniye başda olmaqla, bir çox şəhərdə  nəqliyyatda problemlər yaranıb, qəzalar baş verib. Qapalı vəziyyətdə qalan vətəndaşlarımıza yardımların çatdırılması və bağlanan yolların açılması üçün AFAD-ın koordinasiyasında dünən gecədən etibarən Karayolları, Jandarma, Bələdiyyə, İl Xüsusi İdarəsi, Türk Qızıl Aypara və UMKE qruplarının işləri fasiləsiz olaraq davam etdirilir".

Digər tərəfdən, Qaziantepdə axşam saatlarında yollar tamamilə bağlanıb, minlərlə avtomobil, o cümlədən sərnişin avtobusları, mikroavtobuslar və tramvaylar yollarda qalıb. Rayonun icra başçısı Davud Gül bu barədə danışarkən ilk növbədə xəstələri və müalicəyə ehtiyacı olan vətəndaşları xilas etmək üçün qrupların məsuliyyət daşıdığını bildirib. Gecə boyu  magistral yolda 7 min adama yardım paylandığını deyən Gül sözlərinə bu cür davam edib: 

"Qarın qalınlığı 45-50 santimetrdir. Magistral yolda əsas problem yük maşını qəzalarıdır. Düşünürük ki, gündüz hərəkət etmək bir az daha asan olacaq. Hələlik magistral yolda olan 2000 adam xilas edilib”.

Gaziantep Böyükşəhər Bələdiyyə Başçısı Fatma Şahin isə dünən yağan qarla bağlı bunları söyləyib: 

"Bütün texniki heyətimizlə - təxminən 160 inşaat maşını və 600 personalla yaranan tıxacları aradan qaldırmaq üçün səy göstəririk. Məqsəd insanların rahatlığını təmin etməkdir”.