Məsələ ilə bağlı Sfera.az-a danışan politoloq Məhəmməd Əsədullazadə İsrail-Türkiyə münasibətlərinin nizama düşəcəyini bildirib:

"İsraildə Benyamin Netanyahunun dövründə məlum olduğu kimi radikal siyasət həyata keçirilib, Türkiyə ilə əlaqələrə ciddi şəkildə zərbə vurulub. Ümumiyyətlə, İsrailin milltarist siyasəti İsrail-Fələstin kontekstində Türkiyə ilə əlaqələrin pozulmasına gətirib çıxarıb. Düşünürəm ki, bundan sonra Türkiyə-İsrail münasibətləri yeni mərhələyə keçəcək. İndiki İsrail hökuməti sağçı ifrat deyil və onlar Türkiyə ilə əlaqələrin yaxşılaşması üçün çalışacaqlar. Bu, həmçinin İsrail-Fələstin  münasibətlərindən asılı olacaq. Yəni nə qədər ki, İsrail Fələstinlə sülh şərtlərinə uyğun münasibət quracaq, Türkiyə ilə münasibətlər də bir o qədər irəliləyəcək. İsrailin indiki hökuməti əvvəlkindən zəif olsa da əvvəlki hökumətdən fərqli olaraq sabitlik olacaq, Fələstinlə müharibə ehtimalı azalacaq".