Məlumata görə, Emmanuel Fosso Someon Çedju Dubaya məzuniyyətə gedirmiş. O, növbəti reysə kimi qalan səkkiz saatlıq müddətdə İstanbul hava limanını tərk edərək gəzməyə çıxmaq istəyib. Lakin pasportun yoxlanılması zamanı hüquq mühafizəçiləri onu saxlayaraq vizanın saxta olduğunu bəyan ediblər. 

Biznesmen vurğulayıb ki, o, sənədlərinin saxta olduğunu ancaq həbs zamanı öyrənib. Çedjunun sözlərinə görə, hüquq mühafizəçiləri ondan bilmədiyi türk dilində yazılan sənədə imza atmasını istəyib, o isə bundan imtina edib.

Bundan başqa, turistin 2400 dolları (4080 AZN) müsadirə edilib.

O, həmin aviaşirkətin təyyarəsi ilə Kameruna göndərilib. Məlum olub ki, turistin partnyorları da saxta sənədlərlə əlaqədar saxlanılıb. (oxu.az)