Sfera.az bildirir ki, bu barədə ifaçı sosial şəbəkə hesabından paylaşım edib. O, Vasif Məhərrəmli ilə üzbəüz görüşərək fikirlərini bu cür ifadə edib: 

 

"Bizim səmimi improvizasiyamızı, "Vasif sən oxuya bilmirsən” söhbətimizi bəzi media nümayəndələri yanlış təqdim edib, aləmi bir-birinə qarışdırıblar.  Vasif dəyərli peşəkardır, sənətinin sahibidir. Biz səs-küyə, maqazin xəbərlərinə öyrəşmiş insanlarıq. Amma "istəmərəm ki, sənət dostlarıma mən tərəfdən, mənim kəlimələrimdən ziyan dəysin. Vasif, yenə də üzr istəyirəm”.

Xatırladaq ki, Xalq artisti noyabrın 29-da sənət dostları ilə birgə bir məclisə qatılıb. Həmin gecədə canlı mahnılar ifa edən Tünzalə Ağayeva ona yaxınlaşıb mikrofonu almaq istəyən Əməkdar artist Vasif Məhərrəmliyə "Vasif, sən oxuya bilmirsən",- deyib.