Mərc oyunları bütün dünyada qəbul edilmiş qaydalara əsasən "18 +" olaraq qəbul edilir və azyaşlıları mərc oyunlarına həvəsləndirmək qəbul edilməz sayılır. Ölkəmizdə qanuni olaraq fəaliyyət göstərən mərc oyunlarının təşkilatçı qurumu "Topaz" da sözdə yaş həddini gözləsə də, görünən odur ki, bu addım özünü yalnız sözdə göstərir. 

 

Belə ki, Fcebook sosial şəbəkəsində fəaliyyət göstərən qruplardan birində şikayət məzmunlu paylaşım edən Elnara Mammadova adlı sosial şəbəkə istifadəçisi uşaqların əyləncəsi üçün nəzərdə tutulmuş biletləri alarkən maraqlı hadisəyə şahidlik edib. Belə ki, rəsmi olaraq Itıcket.az-ın adı və qalaqramı olan biletin üzərində Topazın reklamı yerləşdirilib və o, rəsmi tərəfdaş qismində göstərilib. Şikayətini dilə gətirən Elnara Mammadova aiddiyyatı qurum və şəxslərin buna biganə qalmamaqlarını tövsiyə edib.

 

Sözü gedən paylaşımı diqqətinizə çatdırırıq:

"Şikayətçiyəm! Qınayıram və buna tezliklə son qoyulsun istəyirəm.Uşaq üçün biletlər almışam.Üstündə gördüyünüz kimi baş boyda TOPAZ loqosu.
TOPaz Official Partner.Anlayıram bu ölkədə hər şeydən öndə pul gəlir.Amma gəlin körpələri bu çirkaba bulaşdırmayaq. iTİCKET AZ nümayəndəsi varsa lütfən bu biyabırçılağa son qoysun.Nəyin reklamını edirlər,bu nə təbliğatdır? !"