Tofiq Babanlı vəfat etdi - FOTO

Tofiq Babanlı vəfat etdi - FOTO
Gənclər və İdman Nazirliyinin sabiq əməkdaşı Tofiq Babanlı vəfat edib.

Nazirliyin mətbuat xidmətindən verilən məlumata görə, Prezidentin fərdi təqaüdçüsü, Əməkdar bədən tərbiyəsi və idman xadimi Tofiq Babanlı 85 yaşında ikən vəfat edib.

Tofiq Xanlar oğlu Babanlı 14 fevral 1937-ci ildə Naxçıvan şəhərində anadan olub. Orta məktəbi bitirdikdən sonra təhsilini Azərbaycan Dövlət Bədən Tərbiyəsi İnstitutunda davam etdirib.1960-cı ildə institutu bitirdikdən sonra Bakı Uşaq Gənclər İdman Məktəbində boks üzrə məşqci-müəllim kimi əmək fəaliyyətinə başlayıb.

Uzun illər müxtəlif idman cəmiyyətlərində və Yüksək İdman Ustalığı Məktəbində baş məşqçi vəzifəsində çalışıb. Respublika yığma komandasına rəhbərlik edib. Yetirmələri 12 dəfə SSRİ çempionatı və birinciliklərinin qalibi və mükafatçısı olublar. Yetirməsi Kamal Babayev 1965-ci ildə Azərbaycan boks tarixində ilk dəfə olaraq, gənclərin Avropa kuboku yarışında qızıl medal qazanıb.

1989-cu ildə Azərbaycan Dövlət Bədən Tərbiyəsi İnstitutunda pedoqoji fəaliyyətə başlayıb. 30-a yaxın elmi-metodiki əsərin, tədris vəsaitinin müəllifi olub. 1999-cu ildə dosent elmi adına layiq görülüb.

1952-1962-ci illərdə boks idman növü ilə fəal məşğul olub. Dəfələrlə Azərbaycan çempionu, SSRİ həmkarlar ittifaqı mərkəzi şurası spartakiadasının gümüş, SSRİ tələbələri universiadasının qızıl medalını qazanıb. Dəfələrlə beynəlxalq yarışların qalibi olub.

Yüksək idman nailiyyətlətləri və əmək fəaliyyətinə görə SSRİ idman ustası (1958), Azərbaycan Respublikasının Əməkdar məşqçisi (1965), Ümumittifaq dərəcəli hakim (1980), Beynəlxalq dərəcəli hakim (1995), Azərbaycan Respublikasının Fəxri Bədən Tərbiyəsi və İdman işçisi (1997), Azərbaycan Respublikasının Əməkdar Bədən Tərbiyəsi və İdman xadimi (2006) adlarına layiq görülüb. Azərbaycan Respublikası Prezidentinin 10 oktyabr 2002-ci il tarixli sərəncamına əsasən "Tərəqqi” medalı ilə təltif edilib. 5 noyabr 2012-ci ildən Azərbaycan Respublikası Prezidentinin fərdi təqaüdçüsü idi.

1993-1996-cı illərdə Azərbaycan Dövlət Bədən Tərbiyəsi və İdman Komitəsində, 1996-2012-ci illərdə isə Azərbaycan Respublikasının Gənclər və İdman Nazirliyində baş məsləhətçi vəzifəsində çalışıb. Üzun müddət Azərbaycan Boks Federasiyasının baş katibi olaraq bu idman növünün inkişafına xidmət edib.

Allah rəhmət eləsin.
Sehliyali
Turan Bank

OXŞAR XƏBƏRLƏR

“Coca-Cola”nın maşını aşdı, içkilər yerə dağıldı – FOTO + VİDEO

Bakıda "Coca-Cola” daşıyan yük maşını qəza törədib. Sfera.az xəbər verir ki, bu barədə baku.ws-in "qaynar xətti”nə məlumat daxil olub. Hadisə zamanı...

BDU-nun dosenti vəfat etdi - FOTO

Bakı Dövlət Universitetinin Fizika fakültəsinin Ümumi fizika və fizikanın tədrisi metodikası kafedrasının dosenti Sədrəddin Sədrəddinov vəfat edib. Sfera....

Azərbaycanda tanınmış bəstəkarın həyat yoldaşı vəfat etdi - FOTOLAR

Azərbaycanın tanınmış bəstəkarı, pedaqoq, musiqi xadimi, professor, Azərbaycan SSR xalq artisti (1989), "Şöhrət" və "İstiqlal" ordenləri laureatı Vasif Adıgözəl...

Tanınmış aktyorun oğlu özünü güllələdi - FOTOLAR

Məşhur amerikalı aktyor Maykl Madsen ağır itki ilə üzləşib. Sfera.az lent.az-a istinadən xəbər verir ki, aktyorun 26 yaşlı oğlu Hudson Madsen özünü gülləl...

Cəlilabadda orta məktəbin döşəməsi və tavanı çökdü - FOTOLAR

Cəlilabad rayonunun Musalı kənd tam orta məktəbinin döşəməsi və tavanı çöküb. Sfera.az xəbər verir ki, valideynlər bu səbəbdən övladlarını məktəbə göndərm...

Azərbaycanda 3-cü sinif şagirdi vəfat etdi - FOTO

Sumqayıt şəhəri 11 nömrəli tam orta məktəbin şagirdi vəfat edib. Sfera.az xəbər verir ki, bu barədə məktəb məlumat yayıb. Bildirilib ki, təhsil ocağ...