Bu görüşlər fonunda belə fikirlər səslənir ki, həmin təmaslarda Tiflisin məqsədi Azərbaycanla Ermənistan arasında vasitəçi olmaq istəyindən qaynaqlanır.
Həmin hesabatda göstərilir ki, bəzi maraqlı qruplar azərbaycanlılarla ermənilər arasında gərginlik yaradaraq dinc mühitə zərər vurmağa çalışıblar. Belə vəziyyət isə Gürcüstanın maraqlarına cavab vermir. Buradan görünür ki, Tiflis Bakı ilə İrəvan arasında dialoqda vasitəçi olmaqla həm də öz ölkəsində yaşayan milli azlıqlar arasında bəzi qüvvələr tərəfindən qızışdırılan ədavəti söndürməyi, barışdırıcı mühit yaratmağı  düşünür.
 
Digər tərəfdən, Tiflis vasitəçi rolunda çıxış etməklə özünün bölgədəki nüfuzunu yüksəltmək niyyətindədir.  Belə ki, onun bu istiqamətdə atdığı addımın uğurları istər-istəməz Gürcüstanın  mövqeyini gücləndirə bilər.