No Image
No Image

Tibbi sığortaya ən çox bu xəstəliklə bağlı müraciət olunub

Tibbi sığortaya ən çox bu xəstəliklə bağlı müraciət olunub
İcbari tibbi sığortanın tətbiq edildiyi 23 inzibati ərazidə fəaliyyət göstərən Mərkəzi Xəstəxanaların və onların struktur bölmələrinin, habelə Müalicə Diaqnostika Mərkəzlərinin İcbari Tibbi Sığorta üzrə Dövlət Agentliyinə təqdim etdikləri ilkin hesabatlara əsasən, 2020-ci il ərzində 1 147 834 nəfər sözügedən müəssisələrə ümumilikdə 4 170 432 dəfə müraciət edib.

Bu barədə Sfera.az-a Agentlikdən məlumat verilib. Bildirilib ki, bu müraciətlər üzrə 8 339 508 tibbi xidmət göstərilib. Beləliklə, sözügedən ərazilərdə rəsmi qeydiyyatda olan əhalinin 50 faizi tibb müəssisələrinə müraciət edərək xidmətlərdən yararlana bilib.

Ən çox müraciət olunan şəhər və rayonların beşliyi belədir: Mingəçevir şəhəri (449 837), Xaçmaz (348 856), Ağdaş (328 756), Zaqatala (291 814) və Yevlax (275 779) rayonları.

Ən çox tibbi xidmət göstərən tibb müəssisələri Mingəçevir Şəhər Mərkəzi Xəstəxanası (1 156 586), Xaçmaz (615 557), Ağdaş (512 834), Yevlax (512 451) və Şəki (510 891) rayon Mərkəzi Xəstəxanalarıdır (523 632).

Müraciətlərin çoxu hərbi xidmətə çağırılanların müayinəsi də daxil olmaqla, ümumi tibbi baxış (503 381), habelə qan dövranı sistemi (210 201), tənəffüs sistemi (179 376), endokrin sistemi, maddələr mübadiləsi və qidalanma pozuntuları (171 622), sidik-cinsiyyət sistemi (148 907) və həzm sistemi (135 803) xəstəlikləri ilə bağlı olub.

İlkin hesablamalara görə, 2020-ci il ərzində stasionarda cərrahi profil üzrə 255 538 sayda xidmət göstərilib. Bundan başqa 2176 nəfər dövlət tibb müəssisələrində aparılması mümkün olmayan, habelə xüsusi tibbi təchizat və təminat tələb edən əməliyyatlarla bağlı müqaviləli tibb müəssisələrinə yönləndiriib ki, bu şəxslərin 103 nəfərini uşaqlar təşkil edib.

Sayca ürək və damar cərrahiyyəsi (1252), oftalmologiya (402), urologiya (207), neyrocərrahiyyə (179) və travmatologiya (80) üzrə əməliyyatlar çoxluq təşkil edir. Uşaqlar üzərində ürək və damar cərrahiyyəsi üzrə əməliyyatlarının sayı 68 olub. Tibb müəssisələri tərəfindən stasionarda cərrahi profil üzrə məlumatların elektron reyestrdə qeydiyyatı və emalı davam edir.

Agentlikdən o da bildirilib ki, TƏBİB-in tabeliyinə verilmiş tibb müəssisələrinin resurslarından və kadr potensialından səmərəli istifadəni təmin etmək, fəaliyyətlərini optimallaşdırmaq və əhalinin müxtəlif növ tibbi yardıma əlçatanlığını təmin etmək məqsədilə respublikanın inzibati ərazi vahidləri üzrə 13 tibbi ərazi bölməsi (TƏB) yaradılıb.

Hazırda icbari tibbi sığortanın tətbiqi beş TƏB-i və Sumqayıt TƏB-ə aid olan Xızı rayonunu əhatə edir. TƏB üzrə müraciət sayına gəldikdə, 2020-ci il ərzində ən çox Şəki-Zaqatala TƏB-ə müraciət edilib. Belə ki, Şəki-Zaqatala TƏB üzrə 1 345 727, Bərdə-Yevlax TƏB üzrə 1 054 372, Quba-Xaçmaz TƏB üzrə 729 871, Göyçay-Kürdəmir TƏB üzrə 623 978, Dağlıq Şirvan TƏB üzrə 403 146, Xızı rayonu üzrə isə 13 336 müraciət qeydə alınıb.

Xatırladaq ki, Agentlik tərəfindən icbari tibbi sığorta 1 yanvar 2020-ci il tarixindən etibarən 23 inzibati ərazidə - Quba, Qusar, Xaçmaz, Şabran, Siyəzən, Xızı, Qobustan, İsmayıllı, Ağsu, Şamaxı, Balakən, Zaqatala, Qax, Şəki, Oğuz, Qəbələ, Göyçay, Ucar, Zərdab, Kürdəmir, Mingəçevir, Yevlax və Ağdaşda tətbiq edilir. Qeyd olunan ərazilərdə ümumi əhali sayı 2 256 000 nəfər təşkil edir.

Turan Bank

OXŞAR XƏBƏRLƏR

Yaddaş zəifliyi bu səbəbdən yaranır

Bəzən müəyyən hadisələri xatırlamaq və ya yadda saxlamaq üçün çətinliklərlə qarşılaşırıq. Mütəmadi təkrar olunan prosseslər və ya beyin sağlamlığının fəaliyyəti...

Xərçəngə tutulmamaq üçün 8 qidadan - İMTİNA ETMƏLİSİZ

Xərçəng xəstəliyinə səbəb olan məşhur amillərin arasında genetika, siqaret çəkmə, yanlış qidalanma, bəzi infeksiyalar, kimyəvi preparatlarla əlaqə, radioaktiv ş...

Soyuq havada araq içmək zərərlidir — Həkimdən AÇIQLAMA

 "Soyuq  havada insanlar qəbul etdikləri qidalara normal hava şəraiti ilə müqayisədə xüsusi diqqət yetirməlidir. Bol zülallı qidalara, meyvəyə üstünlü...

Ölkə üzrə son vəziyyət - FAKTİKİ HAVA

Milli Hidrometeorologiya Xidməti faktiki havanı açıqlayıb. Xidmətdən Sfera.az-a bildirilib ki, fevralın 24-ü saat 18:00-a olan məlumatına əsasən, qarın in...

Son sutkada yoluxanların sayı AÇIQLANDI

Azərbaycanda bu gün koronavirus infeksiyasına 220 yeni yoluxma faktı qeydə alınıb, 145  nəfər müalicə olunaraq sağalıb və evə buraxılıb. Sfera.az xəb...

Qarın yağması koronavirusu zəiflədəcəkmi? – Həkim əksini düşünür, çünki...

Hazırda dünyada, eləcə də Azərbaycanda koronavirusla mübarizə aparılır. Digər tərəfdən insanlar qarın yağması və havanın şaxtalı keçməsinin yoluxucu xəstəlikl...