"İllər öncə "CD" şəklində Elza İbrahimovadan "Gecələ bulaq başı", "Belə qəmli dayanma" kimi əsərləri ifamda yazdırıb, sevimli, böyük insan, böyük sənətkar dediyimiz adama zəng edərək təqdim etdim ki, "Bəs, mən efirə çıxa bilmirəm, siz aparıcısınız, sənətkarsınız, mənə bir dayaq, kömək olarsınız da"

Sfera.az xəbər verir ki, bunu əməkdar artist Sahib İbrahimov "Şou ATV"-nin efirində adını açıqlamadığı məşhur bir aparıcı barədə danışarkən deyib.
Müğənni həmin məşhur aparıcının ona kömək etmədiyni bildirib:


"Heç bir səs-soraq gəlmədi. Biz tanıdığımız insanlar, müğənnilər var ki, mən açıq deyəcəm... Hər kəsin cürəti deyil tərəf müqavilinə görə, sənin üçün canından keçər, maşınını sənə hədiyyə edər, dost kimi. Amma birdənə sənə görə Nanə xanıma zəng etməz ki, "Nanə xanım mənim bir filankəs dostum var, ona kömək edin, yardım edin. Görün nə istedadlı oğlandır". O sevgini, o neməti insanın qəlbinə yenə bizi yaradan verir. Mənə kömək etmədilər. Teymur Əmrahdan başqa mənə kömək edən olmadı". (milli.az)