“Təxribatlar cavabsız qalmayacaq” – Azərbaycanın növbəti addımı
16:36 / 28.07.2021
1551
"Ermənistan tərəfindən həyata keçirilən bu təxribatlar heç vaxt cavabsız qalmayıb və bundan sonra da cavabsız qalmayacaq”.
Bunu Sfera.az-a açıqlamasında Milli Məclisin deputatı Naqif Həmzəyev deyib.
O bildirib ki, məğlubiyyəti həzm edə bilməyən Ermənistan sülh anlaşmasının imzalanmasını gecikdirir və təxribatlarla prosesi uzatmaq istəyində olduqlarını nümayiş etdirir:
"İstənilən halda, Azərbaycan qalib olan tərəfdir. Biz ermənilərə bir şans vermişik, lakin bunu dəyərləndirə bilmirlər. Onlar hələ də reallığı tam dərk edə bilmirlər. Ancaq Azərbaycanın əsas missiyası regionda daimi sülhü bərqərar etmək və Azərbaycan-Ermənistan sərhədlərinin müəyyənləşməsidir. Nəyin bahasına olur olsun, bunları mütləq edəcəyik”.
Millət vəkili qeyd edib ki, Ermənistan tərəfi reallıqlardan çıxış etməcəyi təqdirdə böyük itkilər verəcək:
"Nəticə etibarilə yenidən uduzan tərəf Ermənistan olacaq. Bu baxımdan da onlar düzgün nəticə çıxarmalıdırlar”.
Günay Rəsulqızı
Sfera.az