\"Tesla\" 475 min avtomobilini geri çağırır - SƏBƏB
11:00 / 31.12.2021
613
"Tesla" şirkəti elektrik mühərrikli 475 min avtomobili geri çağırır.
Sfera.az xəbər verir ki, bu barədə ABŞ-ın Avtomobil Yolları Hərəkətinin Təhlükəsizliyi üzrə Milli Administrasiyasının sənədlərində yer alan məlumata görə, 356 mindən çox model 3 hetçbeki və 119 mindən çox model sedanı geri çağırılacaq.
Bunlar modeldən asılı olaraq istehsal ili 2014-2021-ci illər arasında olan maşınlardır. Qərarın əhatə dairəsində olan ölkələrin siyahısı dəqiqləşdirilməyib.
Bildirilib ki, geri çağırılma həmin modellərin ön baqajlarındakı problem və arxa görüntü kamerasındakı nasazlıqlarla bağlıdır. Şirkətin servis mərkəzlərində bu hissələrin pulsuz dəyişdirilməsi mümkün olacaq.
