Tələbələrin aksiyası ilə bağlı BDU-dan REAKSİYA
15:57 / 24.12.2019
3325
Sosial şəbəkələrdə Bakı Dövlət Universitetində bir qrup tələbənin aksiya keçirməsi ilə bağlı xəbərlər yayılıb. Tələbələr ali təhsil müəssisəsinin 2 saylı korpusunda üzərinə "Pulsuz təhsil” sözləri yazılmış plakat asıblar.
Sfera.az məsələ ilə bağlı Bakı Dövlət Universitetinin mətbuat xidməti ilə əlaqə saxlayıb. Saytımıza açıqlama verən BDU–nun mətbuat xidmətinin rəhbəri Pervanə İbrahimova olayı nə təkzib, nə də inkar edib:"Bəhs edilən məsələdən xəbərdarıq. İctimaiyyət bu olayla bağlı ən yaxın zamanda məlumatlandırılacaq. Binadan həmin şüarın asılmasını araşdırıb, ətraflı məlumat verəcəyik”.
Səbuhi