“Bu imkanlardan yararlanmaq üçün yaş məhdudiyyəti yoxdur” - Bəhruz Əzimov
"3 il ərzində tələbələr və məzunlar üçün ödənişsiz təlimlər təşkil olunub və onların müxtəlif təhsil forumları və karyera sərgilərində iştirak etmələrinə dəstək göstərilib".
Sfera.az xəbər verir ki, bu barədə fikirləri Təhsil Tələbə Krediti Fondunun sədri vəzifəsini müvəqqəti icra edən Bəhruz Əzimov bildirib.
“Məzunların işlə təmin olunmasına dəstək göstərmək üçün dövlət və özəl qurumlar ilə əməkdaşlıq əlaqələri qurulub. 30-dan çox müəssisə ilə Anlaşma Memorandumları imzalanıb. Beləliklə, 1000-dən çox tələbə təlimlərə cəlb olunub və 600-dan çox tələbə və məzun isə təcrübə proqramlarından yararlanıb”.
O qeyd edib ki, Təhsil Tələbə Krediti Fondunun yaratdığı imkanlardan faydalanmaq üçün yaş məhdudiyyəti yoxdur.
“Hətta 23 ailədə valideyn və övladlar da daxil olmaqla, ümumilikdə 69 nəfər, 1069 ailədə isə 2 nəfər, ümumilikdə 2318 nəfər tələbə adı qazanıb”.
Ülkər Abdurahmanlı
Sfera.az
