No Image
No Image

Təhsil Tələbə Krediti Fondu hansı problemləri həll edəcək? – “Böyük ehtiyac vardı...”

Təhsil Tələbə Krediti Fondu hansı problemləri həll edəcək? – “Böyük ehtiyac vardı...”
"Ödənişli əsaslarla oxuyan 38 min tələbənin problemini həll etmək mümkün olacaq”.

Bu sözləri Sfera.az-a açıqlamasında Prezident İlham Əliyevin  "Azərbaycan Respublikası Təhsil Nazirliyinin tabeliyində Təhsil Tələbə Krediti Fondunun yaradılması və fəaliyyətinin təmin edilməsi ilə bağlı bir sıra tədbirlər haqqında” imzaladığı fərmanı dəyərləndirərkən, təhsil eksperti Kamran Əsədov deyib. 
Ekspertin fikrincə, kreditin geri ödənilməsi üçün təhsili başa vurduqdan sonra tələbə mütləq şəkildə işlə təmin edilməlidir:

"2015-2020-ci illər arasında 7 minə  yaxın tələbə təhsil haqqını ödəyə bilmədiyindən ali təhsilini yarımçıq qoymağa məcbur olub.  Bu da kifayət qədər ciddi rəqəmdir. Ölkədə ali təhsilli insanların sayı yetərincə deyil. Həmçinin yerli əmək bazarında ixtisaslı kadrlara ehtiyac var.
 
Bunları nəzərə alanda təhsil haqlarını ödəyə bilməyənlərin problemlərinin həllində dəstəyə ehtiyac vardı. Azərbaycanda 51 ali təhsil müəssisəsində 182 min tələbə təhsil alır. Onun da 110 mini ödənişli əsaslarla oxuyur. Tələbə kreditləri tək əyani təhsil alanlara deyil, qiyabi oxuyanlara da şamil ediləcək. Onlara fond tərəfindən faizsiz, yaxud da cüzi faizlərlə kredit verəcək”. 
 
Həmsöhbətimiz bildirdi ki, tələbə kreditinin problemli kreditə çevrilməsinə imkan vermək olmaz: "Bu gün onsuz da kifayət qədər gənc kredit içində batır. Tələbə aldığı bu krediti təhsil aldığı dövrdə ödəməkdən azaddır. Bundan başqa, təhsil başa vurulandan sonra hərbi xidmətlə bağlı olaraq daha iki ilə qədər vaxt veriləcək. Yalnız bu müddət bitəndən sonra kreditin geri ödənilməsinə başlanılacaq.  Digər tərəfdən, tələbə əlaçı, beynəlxalq yarış və müsabiqələrin qalibi olarsa, hansısa bir ixtira, kəşf edərsə, ona verilən kredit bağışlanılacaq. Yəni, verilən bu kredit növü sosial yönümlüdür”.
 
K. Əsədov tələbə kreditindən yararlanan tələbənin təhsili başa vurduqdan sonra işlə təmin edilməsini ən vacib məqamlardan biri hesab edir: "Bu məsələ mütləq mənada öz həllini tapmalıdır. Digər tərəfdən, tələbənin aldığı vəsaiti geri ödəmək imkanında olması üçün məbləğ üzrə faizlər böyük olmamalıdır. Məlumatıma görə, fond 7 nəfərdən ibarət İdarə Heyətindən ibarət olacaq. Ən vacib məqam fondun hesabatlı olmasıdır. Büdcəsi 80 milyon manat olacaq. Apardığım araşdırmaya görə, bu məbləğlə il ərzində 38 min insanın təhsil haqqını ödəmək olar.  Bu da imkan verəcək ki, ehtiyacı olanların hamısının problemini həll edə bilək”.
 
Rüfət SULTAN
 
Sehliyali
Turan Bank

OXŞAR XƏBƏRLƏR

“Təhsilin İnkişafı Fonduna böyük ümidlər var” – Kamran Əsədov

"Təhsillə bağlı yaradılan bütün digər fondlar Təhsilin İnkişafı Fondu ətrafında birləşməlidir”.   Bu sözləri Sfera.az-a açıqlamasında Prezident İlh...

"Şadıq ki, Emin Amrullayevin uşaqlıq arzusu həyata keçməyib”

"Əminik ki, cənab nazir istəsəydi, uşaqlıqda arzu etdiyi kimi peşəkar həkim olardı". Sfera.az xəbər verir ki, bu barədə feysbukun "For Azerbaijan" səhi...

Misir Mərdanovun direktor olduğu institutun adı DƏYİŞDİRİLİR

Azərbaycan Milli Elmlər Akademiyasının (AMEA) Rəyasət Heyətinin növbəti iclası keçirilib. Sfera.az-ın xəbərinə görə, toplantıda AMEA-nın Riyaziyyat və Mex...

Təhsil naziri bu vəzifəli şəxsi İŞDƏN ÇIXARDI

Ağsu rayon Təhsil Şöbəsində kadr dəyişikliyi olub. Sfera.az xəbər verir ki, müvafiq əmrlə rayon təhsil şöbəsinin müdiri Aqil Həsənov vəzifəsindən azad edi...

Avqust ayının birinci yarısında keçiriləcək imtahanlar - SİYAHI

Dövlət İmtahan Mərkəzi 2021-ci il avqust ayının birinci yarısında keçiriləcək imtahanlar haqqında məlumat yayıb. Sfera.az imtahanların siyahısını təqdim e...

Magistraturaya qəbul üçün proqram və ixtisas seçimi başlayır - Bu gündən

Bu gündən etibarən 2021/2022-ci tədris ili üçün ali təhsil müəssisələrinin və AMEA-nın magistraturalarına qəbul olmaq üçün proqram və ixtisaslaşma seçimi başlay...