“Təcavüzdən sonra 5 yaşlı qızımızın barmağına üzük taxmağı təklif etdilər

“Təcavüzdən sonra 5 yaşlı qızımızın barmağına üzük taxmağı təklif etdilər

Masazır qəsəbə sakini olan valideyn 5 yaşlı qızının 17 yaşlı qonşusu tərəfindən təcavüzə məruz qaldığını iddia edir.

Sfera.az bildirir ki, qafqazinfo-ya müraciət edən uşağın anası A.Z-nin sözlərinə görə, təqsirləndirilən şəxsin qohumları istintaqa təsir edərək ittihamın yüngülləşdirilməsinə çalışırlar: 

"2019-cu ilin sentyabrın 15-də dörd azyaşlı uşağımla birgə evin həyətində oturmuşdum. Cabirin (şərti ad) ailəsi uzun illərdir bizim qonşumuzdur, onlarla ailəvi gediş-gəlişimiz var idi. O gəlib sement aparmaq istədiyini dedi və götürmək üçün bizim evin zirzəmisinə girdi. Qızımla oğlum da həmin vaxt evə çıxmaq üçün getdilər. Bu vaxt Cabir qızımı çağırdı ki, gəl evin altında sement axtaraq. Mən elə bildim oğlum da onlarla gedib. Zirzəmidə Cabir 5 yaşlı qızıma qarşı seksual xarakterli hərəkətlər edib. Onu qorxudub deyib ki, ananı çağırma. Cabir gedəndən sonra qızım mənə hər şeyi danışdı”. 

A.Z əlavə edib ki, qızını dinləyəndən sonra Cabiri çağıraraq məsələni bildiyini nəzərinə çatdırıb:

"O da dedi ki, anamgilə demə, özümü öldürərəm. Axşam qayınanam onlara gedib Cabirin anasına dedi ki, "buradan köçün gedin, qızın atası bilsə, oğlan üçün pis olar”. Bir həftə keçdi, onlar dedilər "biz heç yerə köçmürük”. Mən də polisə müraciət etdim, istintaq çox yaxşı aparıldı. Müstəntiq Cabiri bizə gətirdi, o da harda, nə etdiyini etiraf etdi, bunlar da videoya çəkildi. Amma sonradan Cabir özünü təqsirli bilmədi, deyib ki, guya, təbii ehtiyaclarını ödəmək istəyəndə uşaq yanına gəlib, o da tez şalvarını çəkib. Amma sonradan mən qızımı danışdıranda öyrəndim ki, Cabir qızıma qarşı eyni hərəkətləri son 3-4 ay ərzində dəfələrlə təkrarlayıb”.

Qadın qeyd edib ki, istintaq zamanı Cabir həbsdə qalıb və bu yaxınlarda iş yekunlaşdırılaraq Bakı Ağır Cinayətlər Məhkəməsinə göndərilib: 

"Hakim Rasim Sadıxov işi geri qaytardı. Belə əsaslandırdılar ki, Cabir istintaqda ifadə verəndə qanuni nümayəndəsi yanında olmayıb. Amma bizə qəsəbədə deyilib ki, onlar istintaqa təsir edib maddəni yüngülləşdirmək istəyirlər. İstintaq vaxtı ailə bizə şikayət etməməyimiz üçün pul da təklif etmişdi. Sonra isə vəkilləri təklif etdi ki, 5 yaşlı qızımın barmağına üzük taxsınlar, böyüyəndə alarlar. Bizə belə əxlaqsız təkliflər edirdilər, amma heç biri ilə razılaşmadıq. İndi məsələnin və bu məhkəmə prosesinin ictimailəşməsini istəyirik ki, ədalətli qərar verilsin”.

Qeyd edək ki, ittiham olunan şəxs Cinayət Məcəlləsinin 150.3.3-cü (on dörd yaşına çatmayan şəxsə qarşı seksual xarakterli zorakılıq hərəkətləri etmək) maddəsi ilə təqsirləndirilir.

OXŞAR XƏBƏRLƏR

Qayınanasını amansızcasına öldürən qadın hökmdən narazıdır

 Bakıda qayınanasını öldürməkdə təqsirli bilinən 36 yaşlı Mədinə Qreçneva barəsindəki hökmdən apellyasiya şikayəti verib. Sfera.az xəbər verir ki, şi...

İmişlidə oğurluq edən şəxslər saxlanılıb

  İmişli Rayon Polis Şöbəsinin əməkdaşları tərəfindən keçirilmiş tədbirlər nəticəsində rayon ərazisindəki məktəbdən və evlərin birindən oğurluq edən şəxsl...

Azərbaycanda 10 "COVID-19" xəstəsinə cinayət işi açılıb

  Daxili işlər orqanlarının əməkdaşları tərəfindən ölkə ərazisində tətbiq olunmuş xüsusi karantin rejimi dövründə "Covid-19” virusunun yayılması hallarını...

Nərimanovda 28 yaşlı gənc qətlə yetirilib

  Avqustun 3-də saat 18 radələrində Nərimanov rayonu ərazisində 1992-ci il təvəllüdlü Rəşad Sadıqovun bıçaqlanması və aldığı xəsarətlərdən xəstəxanada ölm...

İsmayıllıda qrup şəklində ziyarətgaha gedənlər cərimələnib

  İsmayıllı Rayon Polis Şöbəsinin əməkdaşları tərəfindən karantin rejiminin qayda və tələblərinə riayət edilməsi məqsədilə keçirilən tədbirlər zamanı bir ...

İki vəzifəli şəxs məsuliyyətə cəlb olunub - RƏSMİ

  Cari ilin ilk altı ayı ərzində narkotiklərlə mübarizə sahəsində hüquq-mühafizə orqanları tərəfindən 2 893 fakt aşkar olunub. Onlardan 1 015-i narko...