Taxıl sahəsini neçəyə sığortalamaq olar? - Zonalar üzrə məbləğlər açıqlanıb
14:03 / 06.07.2021
1881
Aqrar Sığorta Fondu regionlar üzrə buğda və arpa sahələrinin yanğından, doludan və digər hadisələrdən
sığortalanması üçün sığorta haqqını açıqlayıb.
Sfera.az bildirir
ki, dövlət dəstəyi ilə tətbiq edilən aqrar sığorta mexanizmi vasitəsilə taxıl
və digər əkinləri 50% dövlət güzəşti ilə sığortalamaq mümkündür. Bütün
regionlarda sığorta haqqının yarısını fermer, digər yarısını dövlət ödəyir.
Aqrar sığorta
tariflərinə əsasən 1 hektar taxıl (buğda-arpa) sahəsi üzrə sığorta haqqı
regionlar üzrə fərqlənir. Ən aşağı sığorta haqqı Lənkəran, Abşeron və Quba-Xaçmaz
regionunda, ən yüksəyi isə Gəncə-Qazax zonasındadır. Fermer Lənkəran və Abşeron
zonasında bir hektar taxıl sahəsini sığortalamaq üçün 7 manat sığorta haqqı ödənilməlidir.
Gəncə-Qazax zonasında sığorta üçün 24-25 manat tələb olunur.
Digər zonalardan
Aran rayonlarında 8 manat, Qarabağda 10 manat, Dağlıq Şirvan bölgəsində 11-12
manat, Şəki-Zaqatalada 16-17 manat sığorta haqqı müəyyənləşdirilib.
Hər bir fermer
və iş adamları öz əkin sahələri üzrə sığorta haqqının məbləğini Aqrar Sığorta
Fondunun rəsmi internet səhifəsində yerləşdirilmiş "Bitkiçilik kalkulyatoru” vasitəsilə
sərbəst şəkildə hesablaya bilərlər.
Vasif