Tarkan nazirliyi tənqid etdi: \"Bunlar həmişəki kimi boş vədlərdir\"
16:14 / 30.06.2021
1591
Türkiyəli popstar Tarkan Türkiyənin gündəmini zəbt edən məhkəmə prosesi ilə bağlı fikirlərini sosial şəbəkədə bölüşüb.
Sfera.az bildirir ki, iki uşağı cinsi istismar edən valideynlərin azad edilməsinə sərt reaksiya verən müğənni hadisəyə görə sarsıldığını vurğulayıb:
"Ailə və Sosial Xidmətlər nazirliyi hadisəyə nəzarət etdiyini deyib. Amma bunlar həmişəki kimi boş vədlərdir. Bu neçənci nəzarətsiz qalan davadır və bu neçənci cəzası verilməyən, sərbəst buraxılan manyaklardır”.
İfaçı həmçinin qeyd edib ki, aidiyyatı şəxslər dərhal addım atmalı və lazım olanı etməlidirlər.
"Hər keçən gün daha bir azyaşlının uşaqlığı, saflığı, həyatı, gələcəyi əlindən alnır. Mən də bu ölkənin vətəndaşı olaraq utanverici mövzunun həll edilməsi üçün nə lazımdırsa etməyə hazıram”, - deyə Tarkan əlavə edib.
Türkan
Sfera.az